Sajeeva Vahini - Bible AI - Beta

1. అప్పుడు రాజైన దర్యావేషు ఆజ్ఞ ఇచ్చినందున బబులోనులో ఖజానాలోని దస్తావేజుకొట్టులో వెదకగా

2. మాదీయుల ప్రదేశమందు ఎగ్బతానా యను పురములో ఒక గ్రంథము దొరికెను. దానిలో వ్రాయబడియున్న యీ సంగతి కనబడెను.

“మాదీయ”– యెషయా 13:17; యిర్మియా 25:25; దానియేలు 5:28 దానియేలు 5:31; అపో. కార్యములు 2:9. “ఎక్‌బతానా”– పారసీక రాజ్యానికి నాలుగు రాజధానులున్నాయి. వాటిలో ఇదొకటి.

3. రాజైన కోరెషు ఏలుబడిలో మొదటి సంవత్సరమందు అతడు యెరూషలేములో ఉండు దేవుని మందిరమును గూర్చి నిర్ణయించినదిబలులు అర్పింపతగిన స్థలముగామందిరము కట్టింపబడవలెను; దాని పునాదులు గట్టిగా వేయబడవలెను; దాని నిడివి అరువది మూరలును దాని వెడల్పు అరువది మూరలును ఉండవలెను;

“వెడల్పు”– 27 మీటర్లు. 9 మీటర్లు వెడల్పున్న సొలొమోను కట్టించిన దేవాలయం కన్న ఇది చాలా వెడల్పు. పారసీక అధికారులు ఇంత వెడల్పున్న ఆలయం కట్టుకొమ్మని అనుమతి ఇచ్చారు గాని యూదులు కట్టినది మాత్రం చాలా చిన్నది అని అర్థం అవుతున్నది (హగ్గయి 2:3).

4. మూడు వరుసలు గొప్ప రాళ్లచేతను ఒక వరుస క్రొత్త మ్రానుల చేతను కట్టింపబడవలెను; దాని వ్యయమును రాజుయొక్క ఖజానాలోనుండి యియ్యవలెను.

5. మరియు యెరూషలేములోనున్న ఆలయములోనుండి నెబుకద్నెజరు బబు లోనునకు తీసికొని వచ్చిన దేవుని మందిరముయొక్కవెండి బంగారు ఉపకరణములు తిరిగి అప్పగింపబడి, యెరూష లేములోనున్న మందిరమునకు తేబడి, దేవుని మందిరములో వాటి స్థలమందు పెట్టబడవలెను.

ఎజ్రా 1:7-11.

6. కావున రాజైన దర్యావేషు ఈలాగు సెలవిచ్చెనునది యవతల అధికారియైన తత్తెనై అను నీవును, షెతర్బోజ్నయి అను నీవును నది యవతల మీతోకూడ నున్న అపర్సెకాయులును యూదులజోలికి పోక

ఎజ్రా 5:3.

7. దేవుని మందిరపు పని జరుగనిచ్చి, వారి అధికారిని పెద్దలను దేవుని మందిరమును దాని స్థలమందు కట్టింప నియ్యుడి.

మరో సారి దేవుడు ఒక విదేశీ పాలకుల హృదయాన్ని పురికొలిపి తన ఉద్దేశాలను నెరవేర్చుకున్నాడు.

8. మరియు దేవుని మందిరమును కట్టించునట్లుగా యూదులయొక్క పెద్దలకు మీరు చేయవలసిన సహాయ మునుగూర్చి మేము నిర్ణయించినదేమనగారాజుయొక్క సొమ్ములోనుండి, అనగా నది యవతలనుండి వచ్చిన పన్నులోనుండి వారు చేయు పనినిమిత్తము తడవు ఏమాత్ర మును చేయక వారి వ్యయమునకు కావలసినదాని ఇయ్యవలెను.

పని నిలుపు చేయాలని శత్రువులు పన్నిన కుట్ర ఆ పని కొనసాగడానికే ఉపయోగపడేలా దేవుడు చేశాడు. మనుషుల వ్యవహారాలపై దేవుని ఘనమైన, జ్ఞానయుక్తమైన సర్వాధిపత్యం ఇదే. ఆదికాండము 50:20 పోల్చి చూడండి.

9. మరియు ఆకాశమందలి దేవునికి దహనబలులు అర్పించుటకై కోడెలేగాని గొఱ్ఱెపొట్టేళ్లేగాని గొఱ్ఱె పిల్లలేగాని గోధుమలే గాని ఉప్పే గాని ద్రాక్షారసమే గాని నూనెయేగాని, యెరూషలేములో నున్న యాజకులు ఆకాశమందలి దేవునికి సువాసనయైన అర్పణలను అర్పించి, రాజును అతని కుమారులును జీవించునట్లు ప్రార్థనచేయు నిమిత్తమై వారు చెప్పినదానినిబట్టి ప్రతిదినమును తప్పకుండ

10. వారికి కావలసినదంతయు ఇయ్యవలెను.

పారసీక అధికారులు మత విషయాల్లో సాధారణంగా సామరస్యం చూపించారు. యూదాలోను ఇతర దేశాల్లోను ఆలయాల నిర్మాణం, మరమ్మత్తులను వీరు ప్రోత్సహించారు. ఇస్రాయేల్ ప్రజల దేవుని పట్ల వారికి భయభక్తులు లేవు గాని అన్ని జాతులకూ మత స్వేచ్ఛ ఉండాలనీ తాము ఎన్నుకొన్న దేవుళ్ళను ఏ ఆటంకా

11. ఇంకను మేము నిర్ణయించినదేమనగా, ఎవడైనను ఈ ఆజ్ఞను భంగపరచినయెడల వాని యింటివెన్నుగాడి ఊడ దీయబడి నిలువనెత్తబడి దానిమీద వాడు ఉరితీయింప బడును, ఆ తప్పునుబట్టి వాని యిల్లు పెంటరాశి చేయ బడును.

ఎజ్రా 7:26; దానియేలు 2:5; దానియేలు 3:4-6 దానియేలు 3:29; దానియేలు 6:7-8. పురాతన కాలం చక్రవర్తులు ఎవరైనా తమ ఆజ్ఞలకు లోబడకపోతే సాధారణంగా సహించి ఊరుకునేవారు కాదు.

12. ఏ రాజులేగాని యే జనులేగాని యీ ఆజ్ఞను భంగపరచి యెరూషలేములోనున్న దేవుని మందిరమును నశింపజేయుటకై చెయ్యిచాపినయెడల, తన నామమును అక్కడ ఉంచిన దేవుడు వారిని నశింపజేయును. దర్యావేషు అను నేనే యీ ఆజ్ఞ ఇచ్చితిని. మరియు అది అతివేగముగా జరుగవలెనని వ్రాయించి అతడు తాకీదుగా పంపించెను.

13. అప్పుడు నది యివతల అధికారియైన తత్తెనైయును షెతర్బోజ్నయియును వారి పక్షమున నున్నవారును రాజైన దర్యావేషు ఇచ్చిన ఆజ్ఞచొప్పున వేగముగా పని జరిపించిరి.

“తత్తెనయి”– ఎజ్రా 5:3

14. యూదుల పెద్దలు కట్టించుచు, ప్రవక్తయైన హగ్గయియు ఇద్దో కుమారుడైన జెకర్యాయు హెచ్చ రించుచున్నందున పని బాగుగా జరిపిరి. ఈ ప్రకారము ఇశ్రాయేలీయుల దేవుని ఆజ్ఞ ననుసరించి వారు కట్టించుచు, కోరెషు దర్యావేషు అర్తహషస్త అను పారసీక దేశపురాజుల ఆజ్ఞచొప్పున ఆ పని సమాప్తి చేసిరి.

“జెకర్యా”– ఎజ్రా 5:1-2. పారసీక పాలకులూ, యూదా పెద్దలూ ఆలయం తిరిగి కట్టించాలని సమర్థించారు. అయితే ఆ పనికి వెన్నెముక దేవుని వాక్కు పరిచర్య మాత్రమే. “అర్తహషస్త”– ఆలయం తిరిగి కట్టిన తరువాత సుమారు 50 ఏళ్ళకు ఈ రాజు పరిపాలించాడు. ఇక్కడ ఇతడి పేరు చెప్పడంలో కారణం

15. రాజైన దర్యావేషు ఏలుబడి యందు ఆరవ సంవత్సరము అదారు నెల మూడవనాటికి మందిరము సమాప్తి చేయ బడెను.

“దర్యావేషు”– ఆలయం క్రీ.పూ. 516 లేక 515లో పూర్తి అయింది.

16. అప్పుడు ఇశ్రాయేలీయులును యాజకులును లేవీయులును చెరలోనుండి విడుదలనొందిన తక్కినవారును దేవుని మందిరమును ఆనందముతో ప్రతిష్ఠించిరి.

17. దేవుని మందిరమును ప్రతిష్ఠించినప్పుడు నూరు ఎడ్లను రెండు వందల పొట్టేళ్లను నాలుగువందల గొఱ్ఱెపిల్లలను ఇశ్రా యేలీయులకందరికిని పాపపరిహారార్థ బలిగా ఇశ్రాయేలీ యుల గోత్రముల లెక్కచొప్పున పండ్రెండు మేక పోతులను అర్పించిరి.

“పాపాలకోసమైన బలి”– లేవీ 4,5 అధ్యాయాలు.

18. మరియు వారు యెరూష లేములోనున్న దేవుని సేవ జరిపించుటకై మోషే యొక్క గ్రంథమందు వ్రాసిన దానినిబట్టి తరగతులచొప్పున యాజకులను వరుసలచొప్పున లేవీయులను నిర్ణయించిరి.

19. చెరలోనుండి విడుదలనొందినవారు మొదటి నెల పదునాలుగవ దినమున పస్కాపండుగ ఆచరించిరి.

నిర్గమకాండము 12:1-13; లేవీయకాండము 23:5 నోట్స్ చూడండి.

20. యాజకులును లేవీయులును తమ్మును తాము పవిత్రపరచు కొని పవిత్రులైన తరువాత, చెరలోనుండి విడుదలనొందిన వారందరికొరకును తమ బంధువులైన యాజకులకొరకును తమకొరకును పస్కాపశువును వధించిరి.

“శుద్ధంగా ఉన్నారు”– నెహెమ్యా 12:30 నోట్.

21. కావున చెరలో నుండి విడుదలనొంది తిరిగివచ్చిన ఇశ్రాయేలీయులును, ఇశ్రాయేలీయుల దేవుడైన యెహోవాను ఆశ్రయించుటకై దేశమందుండు అన్యజనులలో అపవిత్రతనుండి తమ్మును తాము ప్రత్యేకించుకొనిన వారందరును వచ్చి, తిని పులియని రొట్టెల పండుగను ఏడు దినములు ఆనంద ముతో ఆచరించిరి.

“తమను వేరు చేసుకొన్న”– ఎజ్రా 9:11-12; నిర్గమకాండము 19:5-6; ద్వితీయోపదేశకాండము 7:6; ద్వితీయోపదేశకాండము 14:2; నెహెమ్యా 9:2; నెహెమ్యా 10:28; 2 కోరింథీయులకు 6:14-18; 1 పేతురు 2:9.

22. ఏలయనగా ఇశ్రాయేలీయుల దేవుని మందిరపు పనివిషయమై వారి చేతులను బలపరచుటకు యెహోవా అష్షూరురాజు హృదయమునువారి వైపు త్రిప్పి వారిని సంతోషింపజేసెను.

“పొంగని రొట్టెల”– నిర్గమకాండము 12:15; నిర్గమకాండము 13:6-7; లేవీయకాండము 23:6. “అష్షూరు”– పారసీక రాజునే ఇక్కడ అష్షూరు రాజు అంటున్నాడు. ఎందుకంటే పారసీక రాజులు అష్షూరు ప్రాంతాన్ని జయించి ఏలారు. ఎజ్రా 5:13 పోల్చిచూడండి.