Sajeeva Vahini - Bible AI - Beta

1. దేవుడు మోషేకును తన ప్రజలైన ఇశ్రాయేలీయులకును చేసినదంతయు, యెహోవా ఇశ్రాయేలీయులను ఐగుప్తునుండి వెలుపలికి రప్పించిన సంగతియు, మిద్యాను యాజకుడును మోషే మామయునైన యిత్రో వినినప్పుడు

1. dhevudu moshekunu thana prajalaina ishraayeleeyulakunu chesinadanthayu, yehovaa ishraayeleeyulanu aigupthunundi velupaliki rappinchina sangathiyu, midyaanu yaajakudunu moshe maamayunaina yitro vininappudu

2. మోషే మామయైన ఆ యిత్రో తనయొద్దకు పంపబడిన మోషే భార్యయైన సిప్పోరాను ఆమె యిద్దరి కుమారులను తోడుకొని వచ్చెను.

2. moshe maamayaina aa yitro thanayoddhaku pampabadina moshe bhaaryayaina sipporaanu aame yiddari kumaarulanu thoodukoni vacchenu.

3. అతడు అన్యదేశములో నేను పరదేశిననుకొని వారిలో ఒకనికి గేర్షోము అని పేరుపెట్టెను.
అపో. కార్యములు 7:29

3. athadu anyadheshamulo nenu paradheshinanukoni vaarilo okaniki gershomu ani perupettenu.

4. నా తండ్రి దేవుడు నాకు సహాయమై ఫరో కత్తివాత నుండి నన్ను తప్పించెననుకొని రెండవవానికి ఎలీయెజెరని పేరు పెట్టెను.
అపో. కార్యములు 7:29

4. naa thandri dhevudu naaku sahaayamai pharo katthivaatha nundi nannu thappinchenanukoni rendavavaaniki eleeyejerani peru pettenu.

5. మోషే మామయైన యిత్రో అతని కుమారులనిద్దరిని అతని భార్యను తోడుకొని అరణ్యములో దేవుని పర్వతము దగ్గర దిగిన మోషేయొద్దకు వచ్చెను.

5. moshe maamayaina yitro athani kumaarulaniddarini athani bhaaryanu thoodukoni aranyamulo dhevuni parvathamu daggara digina mosheyoddhaku vacchenu.

6. యిత్రో అను నీ మామనైన నేనును నీ భార్యయు ఆమెతో కూడ ఆమె యిద్దరు కుమారులును నీయొద్దకు వచ్చియున్నామని మోషేకు వర్తమానము పంపగా

6. yitro anu nee maamanaina nenunu nee bhaaryayu aamethoo kooda aame yiddaru kumaarulunu neeyoddhaku vachiyunnaamani mosheku varthamaanamu pampagaa

7. మోషే తన మామను ఎదుర్కొన పోయి వందనము చేసి అతని ముద్దు పెట్టుకొనెను. వారు ఒకరి క్షేమము ఒకరు తెలిసికొని గుడారములోనికి వచ్చిరి.

7. moshe thana maamanu edurkona poyi vandhanamu chesi athani muddu pettu konenu. Vaaru okari kshemamu okaru telisikoni gudaaramuloniki vachiri.

8. తరువాత మోషే యెహోవా ఇశ్రాయేలీయుల కొరకు ఫరోకును ఐగుప్తీయులకును చేసిన దంతయు, త్రోవలో తమకు వచ్చిన కష్టము యావత్తును, యెహోవా తమ్మును విడిపించిన సంగతియు తన మామతో వివరించి చెప్పెను.

8. tharuvaatha moshe yehovaa ishraayeleeyula koraku pharokunu aiguptheeyulakunu chesina danthayu, trovalo thamaku vachina kashtamu yaavatthunu, yehovaa thammunu vidipinchina sangathiyu thana maamathoo vivarinchi cheppenu.

9. యెహోవా ఐగుప్తీయుల చేతిలొ నుండి విడిపించి ఇశ్రాయేలీయులకు చేసిన మేలంతటిని గూర్చి యిత్రో సంతోషించెను.

9. yehovaa aiguptheeyula chethilo nundi vidipinchi ishraayeleeyulaku chesina melanthatini goorchi yitro santhooshinchenu.

10. మరియు యిత్రో ఐగుప్తీయుల చేతిలోనుండియు ఫరో చేతిలో నుండియు మిమ్మును విడిపించి, ఐగుప్తీయుల చేతిక్రిందనుండి ఈ ప్రజలను విడిపించిన యెహోవా స్తుతింపబడునుగాక.

10. mariyu yitro aiguptheeyula chethilonundiyu pharo chethilo nundiyu mimmunu vidipinchi, aiguptheeyula chethikrindanundi ee prajalanu vidipinchina yehovaa sthuthimpabadunugaaka.

11. ఐగుప్తీయులు గర్వించి ఇశ్రాయేలీయులమీద చేసిన దౌర్జన్యమునుబట్టి ఆయన చేసినదాని చూచి, యెహోవా సమస్త దేవతలకంటె గొప్పవాడని యిప్పుడు నాకు తెలిసినదనెను.

11. aiguptheeyulu garvinchi ishraayeleeyulameeda chesina daurjanyamunubatti aayana chesinadaani chuchi, yehovaa samastha dhevathalakante goppavaadani yippudu naaku telisina danenu.

12. మరియు మోషే మామయైన యిత్రో ఒక దహనబలిని బలులను దేవునికర్పింపగా అహరోనును ఇశ్రాయేలీయుల పెద్దలందరును మోషే మామతో దేవుని సన్నిధిని భోజనము చేయవచ్చిరి.

12. mariyu moshe maamayaina yitro oka dahanabalini balulanu dhevunikarpimpagaa aharonunu ishraayeleeyula peddalandarunu moshe maamathoo dhevuni sannidhini bhojanamu cheyavachiri.

13. మరునాడు మోషే ప్రజలకు న్యాయము తీర్చుటకు కూర్చుండగా, ఉదయము మొదలుకొని సాయంకాలము వరకు ప్రజలు మోషే యొద్ద నిలిచియుండిరి.

13. marunaadu moshe prajalaku nyaayamu theerchutaku koorchundagaa, udayamu modalukoni saayankaalamu varaku prajalu moshe yoddha nilichiyundiri.

14. మోషే ప్రజలకు చేసినదంతయు అతని మామ చూచి - నీవు ఈ ప్రజలకు చేయుచున్న యీ పని ఏమిటి? ఉదయము మొదలుకొని సాయంకాలమువరకు నీవు మాత్రము కూర్చుండగా ప్రజలందరు నీయొద్ద నిలిచి యుండనేల అని అడుగగా

14. moshe prajalaku chesinadanthayu athani maama chuchi-neevu ee prajalaku cheyuchunna yee pani emiti? Udayamu modalukoni saayankaalamuvaraku neevu maatramu koorchundagaa prajalandaru neeyoddha nilichi yundanela ani adugagaa

15. మోషే దేవుని తీర్పు తెలిసి కొనుటకు ప్రజలు నా యొద్దకు వచ్చెదరు.

15. moshe dhevuni theerpu telisi konutaku prajalu naa yoddhaku vacchedaru.

16. వారికి వ్యాజ్యెము ఏదైనను కలిగినయెడల నా యొద్దకు వచ్చెదరు. నేను వారి విషయము న్యాయము తీర్చి, దేవుని కట్టడలను ఆయన ధర్మశాస్త్రవిధులను వారికి తెలుపుచున్నానని తన మామతో చెప్పెను.

16. vaariki vyaajyemu edainanu kaliginayedala naa yoddhaku vacchedaru. Nenu vaari vishayamu nyaayamu theerchi, dhevuni kattadalanu aayana dharmashaastravidhulanu vaariki telupuchunnaanani thana maamathoo cheppenu.

17. అందుకు మోషే మామ అతనితో నీవు చేయుచున్న పని మంచిది కాదు;

17. anduku moshe maama athanithoo neevu cheyuchunna pani manchidi kaadu;

18. నీవును నీతో నున్న యీ ప్రజలును నిశ్చయముగా నలిగిపోవుదురు; ఈ పని నీకు మిక్కిలి భారము, అది నీవు ఒక్కడవే చేయచాలవు.

18. neevunu neethoo nunna yee prajalunu nishchaya mugaa naligipovuduru; ee pani neeku mikkili bhaaramu, adhi neevu okkadave cheyachaalavu.

19. కాబట్టి నా మాట వినుము. నేను నీకొక ఆలోచన చెప్పెదను. దేవుడు నీకు తోడైయుండును, ప్రజల పక్షమున నీవు దేవుని సముఖమందు ఉండి వారి వ్యాజ్యెములను దేవుని యొద్దకు తేవలెను.

19. kaabatti naa maata vinumu. Nenu neekoka aalochana cheppedanu. dhevudu neeku thoodaiyundunu, prajala pakshamuna neevu dhevuni samukhamandu undi vaari vyaajyemulanu dhevuni yoddhaku thevalenu.

20. నీవు వారికి ఆయన కట్టడలను ధర్మశాస్త్రవిధులను బోధించి, వారు నడవవలసిన త్రోవను వారు చేయవలసిన కార్యములను వారికి తెలుపవలెను.

20. neevu vaariki aayana kattadalanu dharmashaastravidhulanu bodhinchi, vaaru nadavavalasina trovanu vaaru cheyavalasina kaaryamulanu vaariki telupavalenu.

21. మరియు నీవు ప్రజలందరిలో సామర్థ్యము దైవభక్తి సత్యాసక్తి కలిగి, లంచగొండులుకాని మనుష్యులను ఏర్పరచుకొని, వేయిమందికి ఒకనిగాను, నూరుమందికి ఒకనిగాను, ఏబదిమందికి ఒకనిగాను, పది మందికి ఒకనిగాను, వారిమీద న్యాయాధిపతులను నియమింపవలెను.

21. mariyu neevu prajalandarilo saamarthyamu daivabhakthi satyaasakthi kaligi, lanchagondulukaani manushyulanu erparachukoni, veyimandiki okanigaanu, noorumandiki okanigaanu, ebadhimandiki okanigaanu, padhi mandiki okanigaanu, vaarimeeda nyaayaadhipathulanu niyamimpavalenu.

22. వారు ఎల్లప్పుడును ప్రజలకు న్యాయము తీర్చవలెను. అయితే గొప్ప వ్యాజ్యెములన్నిటిని నీయొద్దకు తేవలెను. ప్రతి అల్పవిషయమును వారే తీర్చవచ్చును. అట్లు వారు నీతో కూడ ఈ భారమును మోసిన యెడల నీకు సుళువుగా ఉండును.

22. vaaru ellappudunu prajalaku nyaayamu theerchavalenu. Ayithe goppa vyaajyemulannitini neeyoddhaku thevalenu. Prathi alpavishayamunu vaare theerchavachunu. Atlu vaaru neethoo kooda ee bhaaramunu mosina yedala neeku suluvugaa undunu.

23. దేవుడు ఈలాగు చేయుటకు నీకు సెలవిచ్చినయెడల నీవు ఈ పని చేయుచు దాని భారమును సహింపగలవు. మరియు ఈ ప్రజలందరు తమ తమ చోట్లకు సమాధానముగా వెళ్లుదురని చెప్పెను.

23. dhevudu eelaagu cheyutaku neeku selavichinayedala neevu ee pani cheyuchu daani bhaaramunu sahimpagalavu. Mariyu ee prajalandaru thama thama chootlaku samaadhaanamugaa velludurani cheppenu.

24. మోషే తన మామ మాట విని అతడు చెప్పినదంతయు చేసెను.

24. moshe thana maama maata vini athadu cheppinadanthayu chesenu.

25. ఇశ్రాయేలీయులందరిలో సామర్థ్యముగల మనుష్యులను ఏర్పరచుకొని, వెయ్యిమందికి ఒకనిగాను, నూరు మందికి ఒకనిగాను, ఏబదిమందికి ఒకనిగాను, పదిమందికి ఒకనిగాను, న్యాయాధిపతులను ఏర్పాటు చేసి వారిని ప్రజలమీద ప్రధానులనుగా నియమించెను.

25. ishraayeleeyulandarilo saamarthyamugala manushyulanu erparachukoni, veyyimandiki okanigaanu, nooru mandiki okanigaanu, ebadhimandiki okanigaanu, padhimandiki okanigaanu, nyaayaadhipathulanu erpaatu chesi vaarini prajalameeda pradhaanulanugaa niyaminchenu.

26. వారెల్లప్పుడును ప్రజలకు న్యాయము తీర్చువారు. వారు కఠిన వ్యాజ్యెములను మోషే యొద్దకు తెచ్చుచు, స్వల్ప వ్యాజ్యెములను తామే తీర్చుచువచ్చిరి.

26. vaarellappudunu prajalaku nyaayamu theerchuvaaru. Vaaru kathina vyaajyemulanu moshe yoddhaku techuchu, svalpa vyaajyemulanu thaame theerchuchuvachiri.

27. తరువాత మోషే తన మామను పంపివేయగా అతడు తన స్వదేశమునకు వెళ్లెను.

27. tharuvaatha moshe thana maamanu pampiveyagaa athadu thana svadheshamunaku vellenu.