Sajeeva Vahini - Bible AI - Beta

1. ప్రభువు కోపపడి సీయోను కుమార్తెను మేఘముతో కప్పియున్నాడు ఆయన ఇశ్రాయేలు సౌందర్యమును ఆకాశమునుండి భూమిమీదికి పడవేసెను కోపదినమందు ఆయన తన పాదపీఠమును జ్ఞాపకము చేసికొనకపోయెను.

ఈ అధ్యాయంలో ప్రవక్త మాట్లాడుతున్నాడు. “కుమారి”– విలాపవాక్యములు 1:6. “కోపం”– సంఖ్యాకాండము 25:3; కీర్తనల గ్రంథము 90:7-11 నోట్స్ చూడండి. “పాదపీఠం”– కీర్తనల గ్రంథము 99:5, కీర్తనల గ్రంథము 99:9; 1 దినవృత్తాంతములు 28:2.

2. ఒకటియు విడువక ప్రభువు యాకోబు నివాస స్థలములన్నిటిని నాశనముచేసి యున్నాడు మహోగ్రుడై యూదా కుమార్తె కోటలను పడగొట్టి యున్నాడు వాటిని నేలకు కూల్చివేసియున్నాడు ఆ రాజ్యమును దాని యధిపతులను ఆయన అపవిత్ర పరచియున్నాడు.

“జాలి”– వ 17; యిర్మియా 13:14; యెహెఙ్కేలు 5:11; యెహెఙ్కేలు 7:4, యెహెఙ్కేలు 7:9; యెహెఙ్కేలు 8:18; యెహెఙ్కేలు 9:5. ఎప్పుడు జాలి చూపాలో ఎప్పుడు చూపకూడదో దేవునికి తెలుసు.

3. కోపావేశుడై ఇశ్రాయేలీయులకున్న ప్రతి శృంగమును ఆయన విరుగగొట్టియున్నాడు శత్రువులుండగా తన కుడి చెయ్యి ఆయన వెనుకకు తీసియున్నాడు నఖముఖాల దహించు అగ్నిజ్వాలలు కాల్చునట్లు ఆయన యాకోబును కాల్చివేసి యున్నాడు.

“కొమ్ము”– ఇక్కడ బలాన్ని సూచిస్తున్నది.

4. శత్రువువలె ఆయన విల్లెక్కు పెట్టి విరోధివలె కుడి చెయ్యి చాపియున్నాడు కంటికి అందమైన వస్తువులన్నిటిని నాశనముచేసి యున్నాడు అగ్ని కురియునట్లుగా ఆయన తన ఉగ్రతను సీయోను కుమార్తె గుడారములమీద కుమ్మరించి యున్నాడు.

“విల్లు”– ద్వితీయోపదేశకాండము 32:42; కీర్తనల గ్రంథము 7:12-13.

5. ప్రభువు శత్రువాయెను ఆయన ఇశ్రాయేలును నిర్మూలము చేసియున్నాడు దాని నగరులన్నిటిని నాశనముచేసియున్నాడు దాని కోటలను పాడుచేసియున్నాడు యూదా కుమారికి అధిక దుఃఖప్రలాపములను ఆయన కలుగజేసియున్నాడు.

దేవుడే వారి నమ్మకమైన మిత్రుడు. అయితే వారి పాపాలకూ తిరుగుబాటుకూ దుర్మార్గతకూ శత్రువు.

6. ఒకడు తోటను కొట్టివేయునట్లు తన ఆవరణమును ఆయన క్రూరముగా కొట్టివేసి యున్నాడు తన సమాజస్థలమును నాశనము చేసియున్నాడు యెహోవా సీయోనులో నియామక కాలము విశ్రాంతిదినము మరువబడునట్లు చేసియున్నాడు కోపావేశుడై రాజును యాజకుని త్రోసివేసి యున్నాడు.

“తన నివాసాన్ని...సమాజ కేంద్రాన్ని”– జెరుసలం లోని దేవాలయం (కీర్తనల గ్రంథము 27:4-5; కీర్తనల గ్రంథము 74:4)

7. ప్రభువు తన బలిపీఠము విడనాడెను తన పరిశుద్ధస్థలమునందు అసహ్యించుకొనెను దాని నగరుల ప్రాకారములను శత్రువులచేతికి అప్పగించెను వారు నియామక కాలమున జనులు చేయునట్లు యెహోవా మందిరమందు ఉత్సాహధ్వని చేసిరి.

యెహెఙ్కేలు 10:4, యెహెఙ్కేలు 10:18-19; యెహెఙ్కేలు 11:23; యిర్మియా 52:13.

8. సీయోను కుమారియొక్క ప్రాకారములను పాడు చేయుటకు యెహోవా ఉద్దేశించెను నాశనముచేయుటకు తన చెయ్యి వెనుకతీయక ఆయన కొలనూలు సాగలాగెను. ప్రహరియు ప్రాకారమును దీనిగూర్చి మూల్గుచున్నవి అవి యేకరీతిగా క్షీణించుచున్నవి.

విలాపవాక్యములు 1:17.

9. పట్టణపు గవునులు భూమిలోనికి క్రుంగిపోయెను దాని అడ్డగడియలను ఆయన తుత్తునియలుగా కొట్టి పాడుచేసెను దాని రాజును అధికారులును అన్యజనులలోనికి పోయియున్నారు అచ్చట వారికి ధర్మశాస్త్రము లేకపోయెను యెహోవా ప్రత్యక్షత దాని ప్రవక్తలకు కలుగుట లేదు.

కీర్తనల గ్రంథము 74:9; ఆమోసు 8:11; మీకా 3:6-7.

10. సీయోను కుమారి పెద్దలు మౌనులై నేల కూర్చుందురు తలలమీద బుగ్గి పోసికొందురు గోనెపట్ట కట్టుకొందురు యెరూషలేము కన్యకలు నేలమట్టుకు తలవంచు కొందురు.

యోబు 2:12-13; కీర్తనల గ్రంథము 35:13-14 – సంతాప సూచనలు.

11. నా జనుల కుమారికి కలిగిన నాశనము చూడగా నా కన్నులు కన్నీటిచేత క్షీణించుచున్నవి నా యంతరంగము క్షోభిల్లుచున్నది నా కాలేజము నేలమీద ఒలుకుచున్నది. శిశువులును చంటిబిడ్డలును పట్టణపు వీధులలో మూర్ఛిల్లెదరు.

విలాపవాక్యములు 1:20; యిర్మియా 9:1; లూకా 19:41-4 పోల్చి చూడండి. క్రీస్తు ఆత్మ ప్రవక్తలో ఉన్నాడు. ప్రవక్త సంతాపం క్రీస్తు సంతాపాన్ని ముందుగా సూచిస్తున్నది.

12. గాయమొందినవారై పట్టణపు వీధులలో మూర్ఛిల్లుచు తల్లుల రొమ్ము నానుకొని అన్నము ద్రాక్షారసము ఏదియని తమ తల్లుల నడుగుచు ప్రాణము విడిచెదరు.

విలాపవాక్యములు 1:11.

13. యెరూషలేము కుమారీ, ఎట్టిమాటలచేత నిన్ను హెచ్చరించుదును? దేనితో నిన్ను సాటిచేయుదును? సీయోను కుమారీ, కన్యకా, నిన్ను ఓదార్చుటకు దేనితో నిన్ను పోల్చుదును? నీకు కలిగిన నాశనము సముద్రమంత గొప్పది నిన్ను స్వస్థపరచగలవాడెవడు?

యిర్మియా 14:17; యిర్మియా 30:12-15.

14. నీ ప్రవక్తలు నిరర్థకమైన వ్యర్థదర్శనములు చూచియున్నారు నీవు చెరలోనికి పోకుండ తప్పించుటకై వారు నీ దోషములను నీకు వెల్లడిచేయలేదు. వారు వ్యర్థమైన ఉపదేశములు పొందినవారైరి త్రోవతప్పించు దర్శనములు చూచినవారైరి.

యిర్మియా 5:12-13; యిర్మియా 6:13-15; యిర్మియా 8:10-12; యిర్మియా 14:13-15; యిర్మియా 23:9-40; యిర్మియా 27:9చూడండి. ఒక వేళ ప్రవక్తలని పేరున్నవారు ప్రజల పాపాలను బయట పెట్టివుంటే వారు పశ్చాత్తాపపడే వారేమో, విపత్తు తొలగిపోయేదేమో. అయితే ప్రవక్తలు అబద్ధాలు చెప్పడానికే ఇష్టపడ్డారు. ప

15. త్రోవను వెళ్లువారందరు నిన్ను చూచి చప్పట్లు కొట్టెదరు వారు యెరూషలేము కుమారిని చూచి పరిపూర్ణ సౌందర్యముగల పట్టణమనియు సర్వ భూనివాసులకు ఆనందకరమైన నగరియనియు జనులు ఈ పట్టణమును గూర్చియేనా చెప్పిరి? అని యనుకొనుచు గేలిచేసి తల ఊచెదరు
మత్తయి 27:39, మార్కు 15:29

“గేలి చేస్తూ”– యిర్మియా 19:8; ద్వితీయోపదేశకాండము 28:37. “అందం”– కీర్తనల గ్రంథము 48:2.

16. నీ శత్రువులందరు నిన్ను చూచి నోరు తెరచెదరు వారు ఎగతాళిచేసి పండ్లు కొరుకుచు దాని మింగివేసియున్నాము ఇదేగదా మనము కనిపెట్టినదినము అది తటస్థించెను, దాని మనము చూచియున్నాము అని యనుకొనెదరు.

విలాపవాక్యములు 3:46; యిర్మియా 51:34; కీర్తనల గ్రంథము 35:25; యెహెఙ్కేలు 36:3; మీకా 4:11.

17. యెహోవా తాను యోచించిన కార్యము ముగించియున్నాడు పూర్వదినములలో తాను విధించినది ఆయన నెరవేర్చియున్నాడు శేషములేకుండ నిన్ను పాడుచేసియున్నాడు నిన్నుబట్టి శత్రువులు సంతోషించునట్లు చేసియున్నాడు నీ పగవారి శృంగమును హెచ్చించియున్నాడు.

“నెరవేర్చాడు”– లేవీయకాండము 26:23-39; ద్వితీయోపదేశకాండము 28:15-68. “జాలి”– వ 2. “కొమ్ము”– బలం, అధికారం.

18. జనులు హృదయపూర్వకముగా యెహోవాకు మొఱ్ఱ పెట్టుదురు. సీయోను కుమారి ప్రాకారమా, నదీప్రవాహమువలె దివారాత్రము కన్నీరు పారనిమ్ము విరామము కలుగనియ్యకుము నీ కంటిపాపను విశ్రమింపనియ్యకుము.

యిర్మియా 14:17. ఇక్కడ కుమారి అంటే నగరంలో మిగిలినదంతా అని అర్థం.

19. నీవు లేచి రేయి మొదటి జామున మొఱ్ఱపెట్టుము నీళ్లు కుమ్మరించునట్లు ప్రభువు సన్నిధిని నీ హృదయమును కుమ్మరించుము నీ పసిపిల్లల ప్రాణముకొరకు నీ చేతులను ఆయన తట్టు ఎత్తుము ప్రతి వీధిమొగను అకలిగొని వారు మూర్ఛిల్లుచున్నారు

ఈ వచనంలో జెరుసలం మరో సారి వ్యక్తిగతంగా మాట్లాడుతున్నట్టుంది, ఎందుకంటే యిర్మీయా అయితే “నా కన్యలు, యువకులు” (వ 21), “నేను పెంచిన” (వ 22) లాంటి పదాలు వాడడు కదా. యిర్మియా 16:1-2 చూడండి.

20. నీవు ఎవనియెడల ఈ ప్రకారము చేసితివో యెహోవా, దృష్టించి చూడుము. తమ గర్భఫలమును తాము ఎత్తికొని ఆడించిన పసి పిల్లలను స్త్రీలు భక్షించుట తగునా? యాజకుడును ప్రవక్తయు ప్రభువుయొక్క పరిశుద్ధాలయమునందు హతులగుట తగువా?

“తినాలా”– లేవీయకాండము 26:29; ద్వితీయోపదేశకాండము 28:53-57; యిర్మియా 19:9. తనను విసర్జించి తన మాటను మీరితే వారి పైకి వస్తుందని దేవుడు చెప్పిన శాపాల్లో ఒకటి.

21. యౌవనుడును వృద్ధుడును వీధులలో నేలను పడియున్నారు నా కన్యకలును నా ¸యౌవనులును ఖడ్గముచేత కూలియున్నారు నీ ఉగ్రతదినమున నీవు వారిని హతము చేసితివి దయ తలచక వారినందరిని వధించితివి.

యిర్మియా 9:21-22.

22. ఉత్సవదినమున జనులు వచ్చునట్లుగా నలుదిశలనుండి నీవు నామీదికి భయోత్పాతములను రప్పించితివి. యెహోవా ఉగ్రతదినమున ఎవడును తప్పించుకొనలేక పోయెను శేషమేమియు నిలువకపోయెను నేను చేతులలో ఆడించి సాకినవారిని శత్రువులు హరించివేసియున్నారు.

“కోపం”– వ 1.