1. మనష్షే యేలనారంభించినప్పుడు పండ్రెండేండ్లవాడై యెరూషలేములో ఏబది యయిదు సంవత్సరములు ఏలెను.

1. manashshe yelanaarambhinchinappudu pandrendendlavaadai yerooshalemulo ebadhi yayidu samvatsaramulu elenu.

2. ఇతడు ఇశ్రాయేలీయుల యెదుటనుండి యెహోవా వెళ్ల గొట్టిన అన్యజనులు చేసిన హేయక్రియలను అనుసరించి, యెహోవా దృష్టికి చెడునడత నడచెను.

2. ithadu ishraayeleeyula yedutanundi yehovaa vella gottina anyajanulu chesina heyakriyalanu anusarinchi, yehovaa drushtiki chedunadatha nadachenu.

3. ఇతడు తన తండ్రియైన హిజ్కియా పడగొట్టిన ఉన్నతస్థలములను తిరిగి కట్టించి, బయలు దేవతకు బలిపీఠములను నిలిపి, దేవతాస్తంభములను చేయించి, ఆకాశనక్షత్రము లన్నిటిని పూజించి కొలిచెను.

3. ithadu thana thandriyaina hijkiyaa padagottina unnathasthalamulanu thirigi kattinchi, bayalu dhevathaku balipeethamulanu nilipi, dhevathaasthambhamulanu cheyinchi, aakaashanakshatramu lannitini poojinchi kolichenu.

4. మరియునా నామము ఎన్నటెన్నటికి ఉండునని యెరూషలేమునందు ఏ స్థలమునుగూర్చి యెహోవా సెలవిచ్చెనో అక్కడనున్న యెహోవా మందిరమందు అతడు బలిపీఠములను కట్టించెను.

4. mariyunaa naamamu ennatennatiki undunani yerooshalemunandu e sthalamunugoorchi yehovaa selaviccheno akkadanunna yehovaa mandiramandu athadu balipeethamulanu kattinchenu.

5. మరియు యెహోవా మందిరపు రెండు ఆవరణములలో అతడు ఆకాశనక్షత్ర సమూహమునకు బలిపీఠములను కట్టించెను.

5. mariyu yehovaa mandirapu rendu aavaranamulalo athadu aakaashanakshatra samoohamunaku balipeethamulanu kattinchenu.

6. బెన్‌హిన్నోము లోయయందు అతడు తన కుమారులను అగ్నిలోగుండ దాటించి, ముహూర్తములను విచారించుచు, మంత్రములను చిల్లంగితనమును వాడుకచేయు కర్ణపిశాచ ములతోను సోదెగాండ్రతోను సాంగత్యము చేయుచు, యెహోవా దృష్టికి బహుగా చెడునడత నడచుచు ఆయ నకు కోపము పుట్టించెను.

6. ben‌hinnomu loyayandu athadu thana kumaarulanu agnilogunda daatinchi, muhoorthamulanu vichaarinchuchu, mantramulanu chillangithanamunu vaadukacheyu karnapishaacha mulathoonu sodegaandrathoonu saangatyamu cheyuchu, yehovaa drushtiki bahugaa chedunadatha nadachuchu aaya naku kopamu puttinchenu.

7. ఇశ్రాయేలీయుల గోత్ర స్థానములన్నిటిలో నేను కోరుకొనిన యెరూషలేమునందు నా నామము నిత్యము ఉంచెదను,

7. ishraayeleeyula gotra sthaanamulannitilo nenu korukonina yerooshalemunandu naa naamamu nityamu unchedanu,

8. నేను మోషేద్వారా నియమించిన కట్టడలను విధులను ధర్మశాస్త్రమంతటిని అను సరించి నడచుకొనుటకై వారు జాగ్రత్తపడినయెడల, మీ పితరులకు నేను ఖాయపరచిన దేశమునుండి ఇశ్రా యేలీయులను నేను ఇక తొలగింపనని దావీదుతోను అతని కుమారుడైన సొలొమోనుతోను దేవుడు సెలవిచ్చిన మాటను లక్ష్యపెట్టక, ఆ మందిరమునందు మనష్షే తాను చేయించిన చెక్కుడు విగ్రహమును నిలిపెను.

8. nenu moshedvaaraa niyaminchina kattadalanu vidhulanu dharmashaastramanthatini anu sarinchi nadachukonutakai vaaru jaagratthapadinayedala, mee pitharulaku nenu khaayaparachina dheshamunundi ishraayeleeyulanu nenu ika tolagimpanani daaveeduthoonu athani kumaarudaina solomonuthoonu dhevudu selavichina maatanu lakshyapettaka, aa mandiramunandu manashshe thaanu cheyinchina chekkudu vigrahamunu nilipenu.

9. ఈ ప్రకారము మనష్షే యూదావారిని యెరూషలేము కాపురస్థులను మోసపుచ్చిన వాడై, ఇశ్రాయేలీయులయెదుట ఉండకుండ యెహోవా నశింపజేసిన అన్యజనులకంటెను వారు మరింత అక్రమ ముగా ప్రవర్తించునట్లు చేయుటకు కారకుడాయెను.

9. ee prakaaramu manashshe yoodhaavaarini yerooshalemu kaapurasthulanu mosapuchina vaadai, ishraayeleeyulayeduta undakunda yehovaa nashimpajesina anyajanulakantenu vaaru marintha akrama mugaa pravarthinchunatlu cheyutaku kaarakudaayenu.

10. యెహోవా మనష్షేకును అతని జనులకును వర్తమాన ములు పంపినను వారు చెవియొగ్గకపోయిరి.

10. yehovaa manashshekunu athani janulakunu varthamaana mulu pampinanu vaaru cheviyoggakapoyiri.

11. కాబట్టి యెహోవా అష్షూరురాజుయొక్క సైన్యాధిపతులను వారి మీదికి రప్పించెను. మనష్షే తప్పించుకొని పోకుండ వారు అతని పట్టుకొని, గొలుసులతో బంధించి అతనిని బబులోనునకు తీసికొని పోయిరి.

11. kaabatti yehovaa ashshooruraajuyokka sainyaadhipathulanu vaari meediki rappinchenu. Manashshe thappinchukoni pokunda vaaru athani pattukoni, golusulathoo bandhinchi athanini babulonunaku theesikoni poyiri.

12. అతడు శ్రమలో ఉన్నప్పుడు తన దేవుడైన యెహోవాను బతిమాలుకొని, తన పితరుల దేవుని సన్నిధిని తన్ను తాను బహుగా తగ్గించు కొని.

12. athadu shramalo unnappudu thana dhevudaina yehovaanu bathimaalukoni, thana pitharula dhevuni sannidhini thannu thaanu bahugaa thagginchu koni.

13. ఆయనకు మొరలిడగా, ఆయన అతని విన్నపములను ఆలకించి యెరూషలేమునకు అతని రాజ్యములోనికి అతని తిరిగి తీసికొని వచ్చినప్పుడు యెహోవా దేవుడై యున్నాడని మనష్షే తెలిసికొనెను.

13. aayanaku moralidagaa, aayana athani vinnapamulanu aalakinchi yerooshalemunaku athani raajyamuloniki athani thirigi theesikoni vachinappudu yehovaa dhevudai yunnaadani manashshe telisikonenu.

14. ఇదియైన తరువాత అతడు దావీదు పట్టణము బయట గిహోనుకు పడమరగా లోయయందు మత్స్యపు గుమ్మము వరకు ఓపెలు చుట్టును బహు ఎత్తుగల గోడను కట్టించెను. మరియు యూదా దేశములోని బలమైన పట్టణములన్నిటిలోను సేనాధిపతులను ఉంచెను.

14. idiyaina tharuvaatha athadu daaveedu pattanamu bayata gihonuku padamaragaa loyayandu matsyapu gummamu varaku opelu chuttunu bahu etthugala godanu kattinchenu. Mariyu yoodhaa dheshamuloni balamaina pattanamulannitilonu senaadhipathulanu unchenu.

15. మరియు యెహోవా మందిరమునుండి అన్యుల దేవతలను విగ్రహమును తీసివేసి, యెరూషలేమునందును యెహోవా మందిర పర్వతము నందును తాను కట్టించిన బలిపీఠములన్నిటిని తీసి పట్టణము బయటికి వాటిని లాగివేయించెను.

15. mariyu yehovaa mandiramunundi anyula dhevathalanu vigrahamunu theesivesi, yerooshalemunandunu yehovaa mandira parvathamu nandunu thaanu kattinchina balipeethamulannitini theesi pattanamu bayatiki vaatini laagiveyinchenu.

16. ఇదియుగాక అతడు యెహోవా బలిపీఠమును బాగుచేసి, దానిమీద సమాధాన బలులను కృతజ్ఞతార్పణలను అర్పించుచుఇశ్రాయేలీయుల దేవుడైన యెహోవాను సేవించుడని యూదా వారికి ఆజ్ఞ ఇచ్చెను.

16. idiyugaaka athadu yehovaa balipeetamunu baaguchesi, daanimeeda samaadhaana balulanu kruthagnathaarpanalanu arpinchuchu'ishraayeleeyula dhevudaina yehovaanu sevinchudani yoodhaa vaariki aagna icchenu.

17. అయినను జనులు ఉన్నత స్థలములయందు ఇంకను బలులు అర్పించుచు వచ్చిరిగాని ఆ యర్పణలను తమ దేవుడైన యెహోవా నామమునకే చేసిరి.

17. ayinanu janulu unnatha sthalamulayandu inkanu balulu arpinchuchu vachirigaani aa yarpanalanu thama dhevudaina yehovaa naamamunake chesiri.

18. మనష్షే చేసిన యితర కార్యములను గూర్చియు, అతడు దేవునికి పెట్టిన మొరలను గూర్చియు, ఇశ్రాయేలీ యుల దేవుడైన యెహోవా పేరట అతనితో పలికిన దీర్ఘదర్శులు చెప్పిన మాటలను గూర్చియు, ఇశ్రాయేలు రాజుల గ్రంథమందు వ్రాయబడియున్నది.

18. manashshe chesina yithara kaaryamulanu goorchiyu, athadu dhevuniki pettina moralanu goorchiyu, ishraayelee yula dhevudaina yehovaa perata athanithoo palikina deerghadarshulu cheppina maatalanu goorchiyu, ishraayelu raajula granthamandu vraayabadiyunnadhi.

19. అతడు చేసిన ప్రార్థనను గూర్చియు, అతని మనవి వినబడుటను గూర్చియు, అతడు చేసిన పాపద్రోహములన్నిటిని గూర్చియు, తాను గుణ పడకముందు ఉన్నత స్థలములను కట్టించి దేవతాస్తంభములను చెక్కిన విగ్రహములను అచ్చట నిలుపుటను గూర్చియు, దీర్ఘదర్శులు రచించిన గ్రంథములలో వ్రాయ బడియున్నది.

19. athadu chesina praarthananu goorchiyu, athani manavi vinabadutanu goorchiyu, athadu chesina paapadrohamulannitini goorchiyu, thaanu guna padakamundu unnatha sthalamulanu kattinchi dhevathaasthambhamulanu chekkina vigrahamulanu acchata niluputanu goorchiyu, deerghadarshulu rachinchina granthamulalo vraaya badiyunnadhi.

20. మనష్షే తన పితరులతోకూడ నిద్రించి తన నగరునందు పాతిపెట్టబడెను; అతని కుమారుడైన ఆమోను అతనికి మారుగా రాజాయెను.

20. manashshe thana pitharulathookooda nidrinchi thana nagarunandu paathipettabadenu; athani kumaarudaina aamonu athaniki maarugaa raajaayenu.

21. ఆమోను ఏలనారంభించినప్పుడు ఇరువది రెండేండ్ల వాడై యెరూషలేములో రెండు సంవత్సరములు ఏలెను.

21. aamonu elanaarambhinchinappudu iruvadhi rendendla vaadai yerooshalemulo rendu samvatsaramulu elenu.

22. అతడు తన తండ్రియైన మనష్షే నడచినట్లు యెహోవా దృష్టికి చెడునడత నడచెను;తన తండ్రియైన మనష్షే చేయిం చిన చెక్కుడు విగ్రహములన్నిటికి బలులు అర్పించుచు పూజించుచు

22. athadu thana thandriyaina manashshe nadachinatlu yehovaa drushtiki chedunadatha nadachenu;thana thandriyaina manashshe cheyiṁ china chekkudu vigrahamulannitiki balulu arpinchuchu poojinchuchu

23. తన తండ్రియైన మనష్షే గుణపడినట్లు యెహోవా సన్నిధిని పశ్చాత్తప్తుడు కాకను గుణపడకను, ఈ ఆమోను అంతకంతకు ఎక్కువ ద్రోహకార్యములను చేయుచు వచ్చెను.

23. thana thandriyaina manashshe gunapadinatlu yehovaa sannidhini pashchaatthapthudu kaakanu gunapadakanu, ee aamonu anthakanthaku ekkuva drohakaaryamulanu cheyuchu vacchenu.

24. అతని సేవకులు అతనిమీద కుట్రచేసి అతని నగరునందే అతని చంపగా

24. athani sevakulu athanimeeda kutrachesi athani nagarunandhe athani champagaa

25. దేశ జనులు ఆమోను రాజుమీద కుట్ర చేసినవారినందరిని హతముచేసి అతని కుమారుడైన యోషీయాను అతని స్థానమందు రాజుగా నియమించిరి.

25. dhesha janulu aamonu raajumeeda kutra chesinavaarinandarini hathamuchesi athani kumaarudaina yosheeyaanu athani sthaanamandu raajugaa niyaminchiri.