Sajeeva Vahini - Bible AI - Beta

1. వారు నాకు యాజకులగునట్లు వారిని ప్రతిష్ఠించుటకు నీవు వారికి చేయవలసిన కార్యమేదనగా

లేవీయకాండము 8:1-34.

2. ఒక కోడెదూడను కళంకములేని రెండు పొట్టేళ్లను పొంగని రొట్టెను పొంగనివై నూనెతో కలిసిన భక్ష్యములను పొంగనివై నూనె పూసిన పలచని అప్పడములను తీసికొనుము.

నిర్గమకాండము 12:15 లేవీయకాండము 2:4 లేవీయకాండము 6:19-23.

3. గోధుమపిండితో వాటిని చేసి ఒక గంపలో వాటిని పెట్టి, ఆ గంపను ఆ కోడెను ఆ రెండు పొట్టేళ్లను తీసికొనిరావలెను.

4. మరియు నీవు అహరోనును అతని కుమారులను ప్రత్యక్షపు గుడార ముయొక్క ద్వారము దగ్గరకు తీసికొనివచ్చి నీళ్లతో వారికి స్నానము చేయించి

నిర్గమకాండము 40:12 లేవీయకాండము 8:6. ఇది యాజులు అనుదినమూ కంచు గంగాళంలోని నీటితో కడుక్కునే శుద్ధీకరణం కాదు (నిర్గమకాండము 30:18-21). ఈ సాదృశ్యాన్ని క్రీస్తు తన బాప్తిసం మూలంగా నెరవేర్చాడు (మత్తయి 3:13-17). ఆ తరువాతనే తన పరిచర్య ప్రారంభించాడు. క్రొత్త ఒడంబడిక యాజులైన విశ్వాసులకు సంబంధించినంత వరకు ఇది నూతన జన్మం అనే శుద్ధీకరణను సూచిస్తున్నది (1 కోరింథీయులకు 6:11 ఎఫెసీయులకు 5:26 తీతుకు 3:5). ప్రతి దినం గంగాళంలోని నీటితో కడుక్కోవడం ఒక విశ్వాసి పాపం చేసినప్పుడెల్లా తిరిగి కడుక్కోవడానికి సూచన (కీర్తనల గ్రంథము 51:2 కీర్తనల గ్రంథము 51:7 యోహాను 13:5-10 హెబ్రీయులకు 10:22 1 యోహాను 1:9). దేవుని కుమారుడైన క్రీస్తుకు కొత్త జన్మ గానీ ప్రతి దినం పాపాలనుండి శుద్ధుడయ్యే అవసరం గానీ లేదు. ఎందుకంటే ఆయన పాపరహితుడు, ఏ పాపమూ చేయనివాడు. ఆయన పొందిన బాప్తిసం ప్రముఖయాజి అహరోను ఉదాహరణను నెరవేరుస్తూ తన ప్రజలతో ఆయన భాగస్వామి అయిన సత్యాన్ని సూచిస్తున్నది. క్రీస్తు బాప్తిసం గురించి నోట్ మత్తయి 3:13.

5. ఆ వస్త్రములను తీసికొని చొక్కాయిని ఏఫోదు నిలువుటంగిని ఏఫోదును పతకమును అహరోనుకు ధరింపచేసి, ఏఫోదు విచిత్రమైన నడికట్టును అతనికి కట్టి

నిర్గమకాండము 28:6-39.

6. అతని తలమీద పాగాను పెట్టి ఆ పాగామీద పరిశుద్ధ కిరీటముంచి

నిర్గమకాండము 28:4 నిర్గమకాండము 28:36-39 లేవీయకాండము 8:9.

7. అభిషేక తైలమును తీసికొని అతని తలమీద పోసి అతని నభిషేకింపవలెను.

నిర్గమకాండము 30:25 లేవీయకాండము 8:12 లేవీయకాండము 21:10 సంఖ్యాకాండము 35:25 కీర్తనల గ్రంథము 133:2. యేసుక్రీస్తు తన బాప్తిసం వెనువెంటనే పవిత్రాత్మ అభిషేకాన్ని పొందాడు (మత్తయి 3:13-17 అపో. కార్యములు 10:38).

8. మరియు నీవు అతని కుమారులను సమీపింపచేసి వారికి చొక్కాయిలను తొడిగింపవలెను.

నిర్గమకాండము 28:39-40 లేవీయకాండము 8:13.

9. అహరోనుకును అతని కుమారులకును దట్టినికట్టి వారికి కుళ్లాయిలను వేయింపవలెను; నిత్యమైన కట్టడనుబట్టి యాజకత్వము వారికగును. అహరోనును అతని కుమారులను ఆలాగున ప్రతిష్ఠింపవలెను.

నిర్గమకాండము 28:40-41 నిర్గమకాండము 40:15 లేవీయకాండము 8:1-36 సంఖ్యాకాండము 3:10 సంఖ్యాకాండము 18:7 సంఖ్యాకాండము 25:13 ద్వితీయోపదేశకాండము 18:5.

10. మరియు నీవు ప్రత్యక్షపు గుడారము నెదుటికి ఆ కోడెను తెప్పింపవలెను అహరోనును అతని కుమారులును కోడె తలమీద తమ చేతుల నుంచగా

లేవీయకాండము 1:4 లేవీయకాండము 8:14. అర్పణ మీద చేతులుంచడం ద్వారా ఆ అర్పించే వ్యక్తి తనకు బదులుగా తన పక్షంగా ఆ అర్పణ ఇస్తున్న విషయాన్ని అంగీకరిస్తున్నాడన్నమాట.

11. ప్రత్యక్షపు గుడారముయొక్క ద్వారము నొద్ద యెహోవా సన్నిధిని ఆ కోడెను వధింపవలెను.

లేవీయకాండము 8:15 నిర్గమకాండము 27:2 నిర్గమకాండము 30:2.

12. ఆ కోడె రక్తములో కొంచెము తీసికొని నీ వ్రేలితో బలిపీఠపు కొమ్ములమీద చమిరి ఆ రక్తశేషమంతయు బలిపీఠపుటడుగున పోయవలెను.

13. మరియు ఆంత్రములను కప్పుకొను క్రొవ్వంతటిని కాలేజముమీది వపను రెండు మూత్ర గ్రంథులను వాటిమీది క్రొవ్వును నీవు తీసి బలిపీఠముమీద దహింపవలెను.

లేవీయకాండము 3:3-4.

14. ఆ కోడె మాంసమును దాని చర్మమును దాని పేడను పాళెమునకు వెలుపల అగ్నితో కాల్చవలెను, అది పాపపరిహారార్థమైన బలి.

లేవీయకాండము 4:11-12 లేవీయకాండము 4:21 హెబ్రీయులకు 13:11 పాపాలకోసం బలి గురించి లేవీయకాండము 4:3 నోట్ చూడండి.

15. నీవు ఆపొట్టేళ్లలో ఒకదాని తీసికొనవలెను. అహరోనును అతని కుమారులును ఆ పొట్టేలు తలమీద తమ చేతులుంచగా

లేవీయకాండము 8:18.

16. నీవు ఆ పొట్టేలును వధించి దాని రక్తము తీసి బలిపీఠముచుట్టు దాని ప్రోక్షింపవలెను.

17. అంతట నీవు ఆ పొట్టేలును దాని అవయవములను దేనికి అది విడదీసి దాని ఆంత్రములను దాని కాళ్లను కడిగి దాని అవయవములతోను తలతోను చేర్చి

18. బలిపీఠముమీద ఆ పొట్టేలంతయు దహింపవలెను; అది యెహోవాకు దహనబలి, యెహోవాకు ఇంపైన సువాసనగల హోమము.
ఎఫెసీయులకు 5:2, ఫిలిప్పీయులకు 4:18

ఆదికాండము 8:21 నిర్గమకాండము 29:25. హోమ బలికీ, పాపాలకోసం బలికీ ఉన్న తేడా కోసం లేవీయకాండము 1:3 లేవీయకాండము 4:3 చదవండి.

19. మరియు నీవు రెండవ పొట్టేలును తీసికొనవలెను. అహరోనును అతని కుమారులును ఆ పొట్టేలు తలమీద తమ చేతులుంచగా

లేవీయకాండము 8:22-29.

20. ఆ పొట్టేలును వధించి దాని రక్తములో కొంచెము తీసి, ఆహరోను కుడిచెవి కొనమీదను అతని కుమారుల కుడి చెవుల కొనమీదను, వారి కుడిచేతి బొట్టన వ్రేళ్లమీదను, వారి కుడికాలి బొట్టనవ్రేళ్లమీదను చమిరి బలిపీఠముమీద చుట్టు ఆ రక్తమును ప్రోక్షింపవలెను.

తలనుంచి పాదాలవరకు శుద్ధి పొందాలని దీని అర్థం.

21. మరియు నీవు బలిపీఠము మీదనున్న రక్తములోను అభిషేక తైలములోను కొంచెము తీసి అహరోనుమీదను, అతని వస్త్రముల మీదను, అతనితోనున్న అతని కుమారులమీదను, అతని కుమారుల వస్త్రములమీదను ప్రోక్షింపవలెను. అప్పుడు అతడును అతని వస్త్రములును అతనితోనున్న అతని కుమారులును అతని కుమారుల వస్త్రములును ప్రతిష్ఠితము లగును.

నిర్గమకాండము 30:25 నిర్గమకాండము 30:31 లేవీయకాండము 8:30.

22. మరియు అది ప్రతిష్ఠితమైన పొట్టేలు గనుక దాని క్రొవ్వును క్రొవ్విన తోకను ఆంత్రములను కప్పు క్రొవ్వును కాలేజముమీది వపను రెండు మూత్రగ్రంథులను వాటిమీది క్రొవ్వును కుడి జబ్బను

23. ఒక గుండ్రని రొట్టెను నూనెతో వండిన యొక భక్ష్యమును యెహోవా యెదుటనున్న పొంగనివాటిలో పలచని ఒక అప్పడమును నీవు తీసికొని

లేవీయకాండము 8:26-28.

24. అహరోను చేతులలోను అతని కుమారుల చేతులలోను వాటినన్నిటిని ఉంచి, అల్లాడింపబడు నైవేద్యముగా యెహోవా సన్నిధిని వాటిని అల్లాడింపవలెను.

25. తరువాత నీవు వారి చేతులలో నుండి వాటిని తీసికొని యెహోవా సన్నిధిని ఇంపైన సువాసన కలుగునట్లు దహనబలిగా వాటిని బలిపీఠముమీద దహింపవలెను. అది యెహోవాకు హోమము.

26. మరియు అహరోనుకు ప్రతిష్ఠితమైన పొట్టేలునుండి బోరను తీసి అల్లాడింపబడు అర్పణముగా యెహోవా సన్నిధిని దానిని అల్లాడింప వలెను; అది నీ వంతగును.

లేవీయకాండము 7:31 లేవీయకాండము 7:34 లేవీయకాండము 8:29.

27. ప్రతిష్ఠితమైన ఆ పొట్టేలులో అనగా అహరోనుదియు అతని కుమారులదియునైన దానిలో అల్లాడింపబడిన బోరను ప్రతిష్ఠితమైన జబ్బను ప్రతిష్ఠింపవలెను.

28. అది ప్రతిష్టార్పణ గనుక నిత్యమైన కట్టడ చొప్పున అది ఇశ్రాయేలీయులనుండి అహ రోనుకును అతని కుమారులకు నగును. అది ఇశ్రాయేలీయులు అర్పించు సమాధానబలులలోనుండి తాము చేసిన ప్రతిష్ఠార్పణ, అనగా వారు యెహోవాకు చేసిన ప్రతిష్ఠార్పణగా నుండును.

సంఖ్యాకాండము 28:3-31 సంఖ్యాకాండము 29:6-38.

29. మరియు అహరోను ప్రతిష్ఠిత వస్త్రములును అతని తరువాత అతని కుమారులవగును; వారు అభిషేకము పొందుటకును ప్రతిష్ఠింపబడుటకును వాటిని ధరించుకొనవలెను.

సంఖ్యాకాండము 20:26 సంఖ్యాకాండము 20:28.

30. అతని కుమారులలో నెవడు అతనికి ప్రతిగా యాజకుడగునో అతడు పరిశుద్ధస్థలములో సేవచేయుటకు ప్రత్యక్షపు గుడారములోనికి వెళ్లునప్పుడు ఏడు దినములు వాటిని వేసికొనవలెను.

31. మరియు నీవు ప్రతిష్ఠితమైన పొట్టేలును తీసికొని పరి శుద్ధస్థలములో దాని మాంసమును వండవలెను.

లేవీయకాండము 8:31.

32. అహరోనును అతని కుమారులును ప్రత్యక్షపు గుడారముయొక్క ద్వారముదగ్గర ఆ పొట్టేలు మాంసమును గంపలోని రొట్టెలను తినవలెను.

33. వారిని ప్రతిష్ఠ చేయుటకును వారిని పరిశుద్ధపరచుటకును వేటివలన ప్రాయశ్చిత్తము చేయబడెనో వాటిని వారు తినవలెను; అవి పరిశుద్ధమైనవి గనుక అన్యుడు వాటిని తినకూడదు.

“ప్రాయశ్చిత్తం”– నిర్గమకాండము 4:20 నిర్గమకాండము 4:26 నిర్గమకాండము 4:31 నిర్గమకాండము 16:6 నిర్గమకాండము 16:16 నిర్గమకాండము 16:30 నిర్గమకాండము 16:34. పాత ఒడంబడికలోని ప్రాయశ్చిత్తం పాపాన్ని సమూలంగా తీసివెయ్యలేదు. జంతువుల రక్తం ఇలా చెయ్యగలగడం అసాధ్యం (హెబ్రీయులకు 10:4). క్రీస్తు వచ్చి తన బలియాగం ద్వారా వారి పాపాలను పూర్తిగా శాశ్వతంగా తొలగించే సమయం వచ్చేదాకా దేవుడు వారి పాపాలను కప్పివుంచాడు. ప్రాయశ్చిత్తం అన్నది ప్రజల పైనుండి దేవుని కోపాన్ని మళ్ళించింది (సంఖ్యాకాండము 16:46-48). దానివల్ల వారికి పాపక్షమాపణ ప్రసాదించడం సాధ్యమైంది (లేవీయకాండము 4:20 లేవీయకాండము 5:10 సంఖ్యాకాండము 15:25). దేవుడు తన ప్రజల మధ్య నివసించేందుకు వీలు కలుగజేసింది. (నిర్గమకాండము 25:8 నిర్గమకాండము 29:44-45). నిర్గమకాండము 25:17 నోట్ చూడండి.

34. ప్రతిష్ఠితమైన మాంసములోనేమి ఆ రొట్టె లలో నేమి కొంచెమైనను ఉదయమువరకు మిగిలి యుండిన యెడల మిగిలినది అగ్ని చేత దహింపవ లెను; అది ప్రతిష్ఠితమైనది గనుక దాని తినవలదు.

నిర్గమకాండము 12:10 నిర్గమకాండము 23:18 నిర్గమకాండము 34:25 లేవీయకాండము 8:32.

35. నేను నీ కాజ్ఞాపించిన వాటన్నిటినిబట్టి నీవు అట్లు అహరోనుకును అతని కుమారులకును చేయవలెను. ఏడు దినములు వారిని ప్రతిష్ఠపరచవలెను.

యాజులను ప్రతిష్ఠించే ఆచార క్రమంలో మనం నేర్చుకోవలసిన అంశాలు ఉన్నాయి. పాత ఒడంబడికలోని యాజులు క్రొత్త ఒడంబడిక విశ్వాసులకు సూచన అని గుర్తుంచుకోండి. ఈ ఆచారక్రమం ఏదంటే, కడుక్కోవడం (వ 4), క్రీస్తు నిర్దోషత్వానికి గుర్తుగా ఉన్న పవిత్ర వస్త్రాలను ధరించడం (8 వ), చెవికీ చేతికీ కాలికీ – అంటే శరీరమంతటికీ రక్తం పూసుకోవడం (వ 20), పవిత్రాత్మకు గుర్తుగా ఉన్న నూనెతో చిలకరించడం (వ 21), దేవునికి సంపూర్ణంగా ప్రతిష్ఠితం కావడానికి సూచనగా హోమబలిని అర్పించడం (వ 22-25), క్రీస్తును సూచించే అర్పణలను యాజులకు ఆహారంగా నియమించడం (వ 26-34). నేడు కూడా విశ్వాసులు నూతన జన్మ పొందారు (తీతుకు 3:5), క్రీస్తు నిర్దోషత్వాన్ని ధరించారు (1 కోరింథీయులకు 1:30 2 కోరింథీయులకు 5:21), క్రీస్తు రక్తం మూలంగా పవిత్రులయ్యారు (హెబ్రీయులకు 13:12), పవిత్రాత్మ ద్వారా అభిషేకం పొందారు (2 కోరింథీయులకు 1:21-22 1 యోహాను 2:20), క్రీస్తే వారి పోషణాధారమని తెలుసుకుంటారు (యోహాను 6:53-63). వారు తమను తాము సంపూర్తిగా దేవునికి సమర్పించుకోవాలి (రోమీయులకు 12:1-2).

36. ప్రాయశ్చి త్తము నిమిత్తము నీవు ప్రతిదినమున ఒక కోడెను పాప పరిహారార్థబలిగా అర్పింపవలెను. బలిపీఠము నిమిత్తము ప్రాయశ్చిత్తము చేయుటవలన దానికి పాపపరిహారార్థబలి నర్పించి దాని ప్రతిష్ఠించుటకు దానికి అభిషేకము చేయవలెను.

నిర్గమకాండము 40:10 హెబ్రీయులకు 10:11.

37. ఏడుదినములు నీవు బలిపీఠము నిమిత్తము ప్రాశ్చిత్తముచేసి దాని పరిశుద్ధపరచవలెను. ఆ బలిపీఠము అతిపరిశుద్ధముగా ఉండును. ఆ బలిపీఠమునకు తగులునది అంతయు ప్రతిష్ఠితమగును.
మత్తయి 23:19

నిర్గమకాండము 30:28.

38. నీవు బలిపీఠముమీద నిత్యమును అర్పింపవలసిన దేమనగా, ఏడాదివి రెండు గొఱ్ఱెపిల్లలను ప్రతిదినము ఉదయమందు ఒక గొఱ్ఱెపిల్లను
హెబ్రీయులకు 10:11

39. సాయంకాలమందు ఒక గొఱ్ఱెపిల్లను అర్పింపవలెను.

40. దంచితీసిన ముప్పావు నూనెతో కలిపిన పదియవవంతు పిండిని పానీయార్పణ ముగా ముప్పావు ద్రాక్షారసమును మొదటి గొఱ్ఱెపిల్లతో అర్పింపవలెను. సాయంకాలమందు రెండవ గొఱ్ఱెపిల్లను అర్పింపవలెను.

“పానార్పణ”– లేవీయకాండము 23:13 లేవీయకాండము 23:18 లేవీయకాండము 23:37 సంఖ్యాకాండము 4:7 సంఖ్యాకాండము 15:5 సంఖ్యాకాండము 28:7.

41. అది యెహోవాకు ఇంపైన సువాసనగల హోమమగునట్లు ఉదయకాల మందలి అర్పణమును దాని పానీయార్పణమును అర్పించినట్టు దీని నర్పింపవలెను.

42. ఇది యెహోవా సన్నిధిని సాక్ష్యపు గుడారముయొక్క ద్వారమునొద్ద మీ తరతరములకు నిత్యముగా అర్పించు దహనబలి. నీతో మాటలాడుటకు నేను అక్కడికి వచ్చి మిమ్మును కలిసికొందును.

నిర్గమకాండము 25:22 సంఖ్యాకాండము 17:4.

43. అక్కడికి వచ్చి ఇశ్రాయేలీ యులను కలిసికొందును; అది నా మహిమవలన పరిశుద్ధపరచబడును.

44. నేను సాక్ష్యపు గుడారమును బలిపీఠమును పరిశుద్ధపరచెదను. నాకు యాజకులగునట్లు అహరో నును అతని కుమారులను పరిశుద్ధపరచెదను.

45. నేను ఇశ్రాయేలీ యుల మధ్య నివసించి వారికి దేవుడనై యుందును.

నిర్గమకాండము 25:8 నోట్.

46. కావున నేను వారి మధ్య నివసించునట్లు ఐగుప్తు దేశములో నుండి వారిని వెలుపలికి రప్పించిన తమ దేవుడైన యెహో వాను నేనే అని వారు తెలిసికొందురు. నేను వారి దేవుడనైన యెహోవాను.

నిర్గమకాండము 20:2.