1. రాజైన సొలొమోను ఇశ్రాయేలీయులందరిమీద రాజాయెను.

2. అతనియొద్దనున్న అధిపతులు ఎవరెవరనగా సాదోకు కుమారుడైన అజర్యా యాజకుడు;

3. షీషా కుమారులైన ఎలీహోరెపును అహీయాయును ప్రధాన మంత్రులు; అహీలూదుకుమారుడైన యెహోషాపాతు లేఖికుడై యుండెను;

4. యెహోయాదా కుమారుడైన బెనాయా సైన్యాధిపతి; సాదోకును అబ్యాతారును యాజకులు.

“బెనాయా”– 1 రాజులు 2:27 1 రాజులు 2:35.

5. నాతాను కుమారుడైన అజర్యా అధికారుల మీద ఉండెను; నాతాను కుమారుడైన జాబూదు రాజు సముఖములోని మిత్రుడును మంత్రియునైయుండెను;

6. అహీషారు గృహ నిర్వాహకుడు; అబ్దా కుమారుడైన అదోనీరాము వెట్టి పని విషయములో అధికారి.

“వెట్టిపనులు”– 1 రాజులు 9:15; 2 సమూయేలు 20:24. యుద్ధ ఖైదీలుగా పట్టుబడిన ఇతర జాతులవారు, లేక ఆ దేశంలోనే నిలిచిపోయిన కనాను జాతులవారు కొందరు ఇస్రాయేల్‌వారికి సేవకులుగా, బానిసలుగా అయ్యారు. యెహోషువ 9:22-27 పోల్చిచూడండి. ద్వితీయోపదేశకాండము 20:17 చూడండి. బానిసత్వం గురించి నోట్స్ నిర్గమకాండము 21:2; ఎఫెసీయులకు 6:5.

7. ఇశ్రా యేలీయులందరిమీద సొలొమోను పన్నిద్దరు అధికారులను నియమించెను. వీరు రాజునకును అతని ఇంటివారికిని ఆహారము సంగ్రహము చేయువారు. సంవత్సరమందు ఒక్కొక్క నెలకు వారిలో ఒక్కొక్కడు ఆహారమును సంగ్రహము చేయుచుండెను.

“ఇంటివారికి”– 1 సమూయేలు 8:10-18.

8. వారి పేళ్లు ఇవే; ఎఫ్రా యిము మన్యమందు హూరు కుమారుడు,

9. మాకస్సులోను షయల్బీములోను బేత్షెమెషులోను ఏలోన్బెధానానులోను దెకెరు కుమారుడు;

10. అరుబ్బోతులో హెసెదు కుమా రుడు; వీనికి శోకో దేశమును హెపెరు దేశమంతయు నియమింపబడెను.

11. మరియు అబీనాదాబు కుమారునికి దోరు మన్యప్రదేశమంతయు నియమింపబడెను; సొలొ మోను కుమార్తెయైన టాపాతు ఇతని భార్య.

12. మరియు అహీలూదు కుమారుడైన బయనాకు తానాకును మెగిద్దో యును బేత్షెయాను ప్రదేశమంతయును నియమింపబడెను. ఇది యెజ్రె యేలు దగ్గరనున్న సారెతానుండి బేత్షెయాను మొదలుకొని ఆబేల్మేహోలావరకును యొక్నెయాము అవ తలి స్థలమువరకును వ్యాపించుచున్నది.

13. గెబెరు కుమా రుడు రామోత్గిలాదునందు కాపురముండెను; వీనికి గిలా దులోనుండిన మనష్షేకు కుమారుడైన యాయీరు గ్రామ ములును బాషానులోనున్న అర్గోబు దేశమును నియమింప బడెను; అది ప్రాకారములును ఇత్తడి అడ్డగడలునుగల అరు వది గొప్ప పట్టణములుగల ప్రదేశము.

14. ఇద్దో కుమారుడైన అహీనాదాబు మహనయీములో నుండెను.

15. నఫ్తాలీము దేశమందు అహిమయస్సు ఉండెను; వీడు సొలొమోను కుమార్తెయైన బాశెమతును వివాహము చేసికొనెను.

16. ఆషేరులోను ఆలోతులోను హూషై కుమారుడైన బయనా యుండెను.

17. ఇశ్శాఖారు దేశమందు పరూ యహు కుమారుడైన యెహోషాపాతు ఉండెను.

18. బెన్యా మీను దేశమందు ఏలా కుమారుడైన షిమీ యుండెను.

1 రాజులు 2:8 1 రాజులు 2:44 లో ఉన్న షిమీ కాదు.

19. గిలాదు దేశమందును అమోరీయులకు రాజైన సీహోను దేశమందును బాషాను రాజైన ఓగు దేశమందును ఊరి కుమారుడైన గెబెరు ఉండెను; అతడు ఒక్కడే ఆ దేశ మందు అధికారి.

“బాషాను”– ద్వితీయోపదేశకాండము 3:8-10.

20. అయితే యూదావారును ఇశ్రాయేలు వారును సముద్రపు దరినున్న యిసుక రేణువులంత విస్తార సమూహమై తినుచు త్రాగుచు సంభ్రమపడుచు నుండిరి.

“ఇసుక రేణువుల్లాగా”– 1 రాజులు 3:8. “సంబరపడుతూ”– వారంతా క్షేమంగా ఉన్నారు (వ 25). పరిస్థితులు ప్రశాంతంగా ఉన్నాయి (1 రాజులు 5:4). అయితే త్వరలోనే ఇస్రాయేల్ లో కొందరికి రాజు ఇంటివారినీ, ఉద్యోగులనూ పోషించడం భారంగా అనిపించింది – వ 12.

21. నది (యూఫ్రటీసు) మొదలుకొని ఐగుప్తు సరిహద్దువరకు ఈ మధ్యనున్న రాజ్యములన్నిటిమీదను ఫిలిష్తీయుల దేశమంతటిమీదను సొలొమోను ప్రభుత్వము చేసెను. ఆ జనులు పన్ను చెల్లించుచు సొలొమోను బ్రదికిన దినములన్నియు అతనికి సేవచేయుచు వచ్చిరి.

“నది”– అబ్రాహాము సంతానానికి దేవుడిస్తానని వాగ్దానం చేసిన నేల పూర్తి విస్తీర్ణం ఇది (ఆదికాండము 15:18). ఇస్రాయేల్ రాజులందరిలోకీ దావీదు, సొలొమోను మాత్రమే ఇంత విశాల భూభాగాన్ని పరిపాలించారు.

22. ఒక్కొక్క దినమునకు సొలొమోను భోజనపు సామగ్రి యెంత యనగా, ఆరువందల తూముల సన్నపు గోధుమపిండియు, వేయిన్ని రెండువందల తూముల ముతకపిండియు,

సొలొమోను భవనంలో అతని పరివారం చాలామంది ఉండేవారన్నమాట.

23. క్రొవ్విన యెడ్లు పదియు, విడియెడ్లు ఇరువదియు, నూరు గొఱ్ఱెలును, ఇవియు గాక ఎఱ్ఱదుప్పులు దుప్పులు జింకలు క్రొవ్విన బాతులును తేబడెను.

24. యూఫ్రటీసునది యివతల తిప్సహు మొదలుకొని గాజావరకును నది యివతల నున్న రాజులందరిమీదను అతనికి అధికారముండెను. అతని కాలమున నలుదిక్కుల నెమ్మది కలిగియుండెను.

25. సొలొ మోను దినములన్నిటను ఇశ్రాయేలువారేమి యూదా వారేమి దాను మొదలుకొని బెయేర్షెబా వరకును తమ తమ ద్రాక్షచెట్ల క్రిందను అంజూరపుచెట్ల క్రిందను నిర్భయముగా నివసించుచుండిరి.

ప్రజలకు కావలసిన వాటిల్లో రెండు ముఖ్యమైనవి – శాంతి, సంపదలు.

26. సొలొమోను రథ ములకు నలువదివేల గుఱ్ఱపు శాలలును రౌతులకు పండ్రెండు వేల గుఱ్ఱములును ఉండెను.

1 రాజులు 10:16. ఇలా చేయడంలో సొలొమోను ద్వితీయోపదేశకాండము 17:16 లో ఇవ్వబడిన ఆదేశాలను మీరాడు.

27. మరియు రాజైన సొలొ మోనునకును రాజైన సొలొమోను భోజనపు బల్లయొద్దకు వచ్చిన వారికందరికిని ఏమియు తక్కువకాకుండ అధికారు లలో ఒకడు తాను నియమింపబడిన మాసమునుబట్టి ఆహా రము సంగ్రహముచేయుచు వచ్చెను.

28. మరియు గుఱ్ఱ ములును పాటుపశువులును ఉన్న ఆయాస్థలములకు ప్రతి వాడును తనకు చేయబడిన నిర్ణయము చొప్పున యవలును గడ్డిని తెప్పించుచుండెను.

29. దేవుడు జ్ఞానమును బుద్ధిని వర్ణింప శక్యము కాని వివే చనగల మనస్సును సొలొమోనునకు దయచేసెను

1 రాజులు 3:12; 1 రాజులు 4:20.

30. గనుక సొలొమోనునకు కలిగిన జ్ఞానము తూర్పుదేశ స్థుల జ్ఞానము కంటెను ఐగుప్తీయుల జ్ఞానమంతటి కంటెను అధికమై యుండెను.

“తూర్పు”– యొర్దాను నదికి, మృత సముద్రానికి తూర్పున యూఫ్రటీసు నది పైనున్న బబులోను వరకు విస్తరించిన ప్రాంతం.

31. అతడు సమస్తమైన వారికంటెను, ఎజ్రా హీయుడైన ఏతానుకంటెను మహోలు కుమారులైన హేమాను కల్కోలు దర్ద అను వారికంటెను జ్ఞానవంతుడై యుండెను గనుక అతని కీర్తిచుట్టునున్న జనము లన్నిటిలో వ్యాపితమాయెను.

“మనుషులందరి కంటే”– యేసుప్రభువు వచ్చేవరకు మనుషులందరి కంటే జ్ఞానవంతుడు సొలొమోను (లూకా 11:31).

32. అతడు మూడువేలసామెతలు చెప్పెను, వెయ్యిన్ని యయిదు కీర్తనలు రచించెను.

సామెతలు 1:1; ప్రసంగి 12:9; పరమగీతము 1:1.

33. మరియు లెబానోనులో ఉండు దేవదారు వృక్షమునే గాని గోడలోనుండి మొలుచు హిస్సోపు మొక్కనే గాని చెట్లన్నిటిని గూర్చి అతడు వ్రాసెను; మరియు మృగములు పక్షులు ప్రాకు జంతువులు జలచరములు అనువాటి నన్నిటిని గూర్చియు అతడు వ్రాసెను.

సొలొమోను జ్ఞానం ముఖ్యంగా ప్రజలను అర్థం చేసుకుని, రాజ్య వ్యవహారాలను సరిగ్గా నిర్వహించగలగడం మొదలైన విషయాలకు సంబంధించినది. అయితే ఇలాంటి విషయాల్లో కూడా అతనికి జ్ఞానం ఉంది.

34. అతని జ్ఞానపుమాటలు తెలిసికొనుటకై అతని జ్ఞానమునుగూర్చి వినిన భూపతులందరిలోనుండియు, జనులందరిలోనుండియు మనుష్యులు సొలొమోను నొద్దకు వచ్చిరి.

1 రాజులు 10:1; 2 దినవృత్తాంతములు 9:23. “అన్ని జాతులలో నుంచీ”– అంటే ఆ రోజుల్లో ఇస్రాయేల్ వారికి తెలిసిన నాగరిక దేశాలన్నిటి నుంచి అని అర్థం. ఇవి ఈజిప్ట్, అరేబియాలో, పశ్చిమ ఆసియాలోని కొన్ని ప్రాంతాలు.