Sajeeva Vahini - Bible AI - Beta

1. ఇశ్రాయేలురాజైన యరొబాము ఏలుబడిలో ఇరువది మూడవ సంవత్సరమందు యూదారాజైన అమజ్యా కుమారుడైన అజర్యాయేలనారంభించెను.

2 రాజులు 14:17 2 రాజులు 14:21. 2 దినవృత్తాంతములు 26:1-4 లో ఇతణ్ణి ఉజ్జియా అనే పేరుతో చూస్తున్నాం.

2. అతడు పదునా రేండ్లవాడై యేలనారంభించి యెరూషలేమునందు ఏబది రెండు సంవత్సరములు రాజుగా ఉండెను; అతని తల్లి యెరూషలేము కాపురస్థురాలైన యెకొల్యా.

3. ఇతడు తన తండ్రియైన అమజ్యా చర్య యంతటిప్రకారము యెహోవా దృష్టికి నీతిగలవాడై ప్రవర్తించెను.

2 రాజులు 14:3.

4. ఉన్నత స్థలములను మాత్రము కొట్టి వేయలేదు; ఉన్నత స్థలముల యందు జనులు ఇంకను బలులు అర్పించుచు ధూపము వేయుచు ఉండిరి.

2 రాజులు 12:3; 2 రాజులు 14:4.

5. యెహోవా ఈ రాజును మొత్తినందున అతడు మరణమగువరకు కుష్ఠరోగియై ప్రత్యేక ముగా ఒక నగరులో నివసించెను గనుక రాజకుమారుడైన యోతాము నగరుమీద అధికారియై దేశపు జనులకు న్యాయము తీర్చువాడుగా ఉండెను.

“కుష్ఠురోగి”– దేవుడతనికి ఈ వ్యాధి ఎందుకు కలిగించాడో 2 దినవృత్తాంతములు 26:16-23 లో ఉంది. దేవుడు మనుషులకు శిక్షగా కొన్ని సార్లు వ్యాధులను పంపిస్తాడని గమనించండి. అలాగని జబ్బుపడిన ప్రతి మనిషీ దేవుని శిక్షకు గురి అవుతున్నాడని నిర్ణయించకూడదు. యోబును మరచిపోకండి. కుష్ఠువ్యాధి గురించి నోట్స్ లేవీయకాండము 13:1 చూడండి. “ప్రత్యేకమైన భవనంలో”– లేవీయకాండము 13:46.

6. అజర్యా చేసిన యితర కార్యములనుగూర్చియు, అతడు చేసిన దాని నంత టినిగూర్చియు యూదారాజుల వృత్తాంతముల గ్రంథ మందు వ్రాయబడి యున్నది.

“చరిత్ర గ్రంథం”– 1 రాజులు 14:19.

7. అజర్యా తన పితరు లతోకూడ నిద్రించి దావీదు పురములో తన పితరుల సమాధియందు పాతిపెట్టబడగా అతని కుమారుడైన యోతాము అతనికి మారుగా రాజాయెను.

8. యూదారాజైన అజర్యా యేలుబడిలో ముప్పది యెనిమిదవ సంవత్సరమందు యరొబాము కుమారుడైన జెకర్యా షోమ్రోనులో ఇశ్రాయేలువారిని ఆరునెలలు ఏలెను.

ఈ వచనాల్లో జాతీయ స్థాయిలో అల్లకల్లోలం, కుట్రలు, హత్యలు, దుష్టులైన నాయకులు ఒకరి వెంట ఒకరు త్వర త్వరగా రాజ్యానికి రావడం చూస్తున్నాం. దేశం దేవుణ్ణి గౌరవించకుండా, ఆయన విధానాల్లో నడుచుకోకుండా ఉన్నందువల్లే ఇదంతా జరిగింది. ఈ వచనాల్లో “నెబాతు కొడుకు యరొబాం పాపాలనుంచి వైదొలగలేదు” అనే మాటల్ని పదే పదే చూస్తాం (9,18,24,28). 2 రాజులు 14:29; 2 రాజులు 5:1.

9. ఇతడు ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక అనుసరించుచు, తన పితరులు చేసినట్లుగా తానును యెహోవా దృష్టికి చెడుతనము జరిగించెను.

1 రాజులు 12:28-33.

10. యాబేషు కుమారుడైన షల్లూము అతనిమీద కుట్రచేసి, జనులు చూచుచుండగా అతనిమీద పడి అతనిని చంపి అతనికి మారుగా రాజాయెను.

ఆమోసు 7:9.

11. జెకర్యా చేసిన కార్యములనుగూర్చి ఇశ్రాయేలురాజుల వృత్తాంతముల గ్రంథమందు వ్రాయబడియున్నది.

12. నీ కుమారులు నాలుగవ తరమువరకు ఇశ్రాయేలు సింహాసనముమీద ఆసీనులై యుందురని యెహోవా యెహూతో సెలవిచ్చిన మాటచొప్పున ఇది జరిగెను.

2 రాజులు 10:30 యెహూ సంతానంలో సింహాసనం ఎక్కినవారిలో జెకర్యా ఆఖరువాడు. దేవుని వాక్కు మరో సారి అక్షరాలా నెరవేరింది.

13. యూదారాజైన ఉజ్జియా యేలుబడిలో ముప్పది తొమ్మిదవ సంవత్సరమందు యాబేషు కుమారుడైన షల్లూము ఏలనారంభించి షోమ్రోనులో నెల దినములు ఏలెను.

ఉజ్జియా అంటే అజర్యా (వ 1).

14. గాదీ కుమారుడైన మెనహేము తిర్సాలోనుండి బయలుదేరి షోమ్రోనునకు వచ్చి షోమ్రోనులోనుండు యాబేషు కుమారుడైన షల్లూముమీద పడి అతని చంపి అతనికి మారుగా రాజాయెను.

15. షల్లూము చేసిన యితర కార్య ములనుగూర్చియు, అతడు చేసిన కుట్రనుగూర్చియు ఇశ్రాయేలురాజుల వృత్తాంతముల గ్రంథమందు వ్రాయ బడియున్నది.

16. మెనహేము రాగా తిప్సహు పట్టణపు వారు తమ గుమ్మములు తీయలేదు గనుక అతడు వారినంద రిని హతము చేసి, తిర్సాను దాని చేరువ గ్రామములనన్నిటిని కొల్లపెట్టి అచ్చట గర్భిణులందరి గర్భములను చింపెను.

“గర్భిణీ స్త్రీ”– దేవుని ప్రజలైన ఇస్రాయేల్‌లోని మనిషి ఒకడు విగ్రహ పూజ చేసే క్రూరుడైన సిరియా రాజు ప్రవర్తించినట్టు ప్రవర్తించాడు (2 రాజులు 8:12).

17. యూదారాజైన అజర్యా యేలుబడిలో ముప్పదితొమ్మి దవ సంవత్సరమందు గాదీ కుమారుడైన మెనహేము ఇశ్రాయేలువారిని ఏలనారంభించి షోమ్రోనులో పది సంవత్సరములు ఏలెను.

18. ఇతడును తన దినములన్నియు ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక యనుసరించుచు యెహోవా దృష్టికి చెడుతనము జరిగించెను.

1 రాజులు 12:28-33.

19. అష్షూరు రాజైన పూలు దేశముమీదికి రాగా, మెనహేము తనకు రాజ్యము స్థిరపరచునట్లుగా పూలుచేత సంధి చేయించుకొనవలెనని రెండు వేల మణుగుల వెండి పూలునకు ఇచ్చెను.

పూల్ అంటే అష్షూరు రాజు తిగ్లత్ పిలేసరుకు మరో పేరు (1 దినవృత్తాంతములు 5:26). “అష్షూరు”– ఇస్రాయేల్‌కు ఈశాన్యంగా ఉన్న రాజ్యం. ప్రస్తుతం ఉన్న ఇరాక్, సిరియా ప్రాంతాలూ, ఇరాన్, టర్కీ దేశాల్లో కొంత భాగాలూ ఈ రాజ్యంలో కలిసి ఉండేవి. అష్షూరువారి జాతీయ దేవుడు అష్షూరు, ఆ రాజ్యంలోని ప్రధాన పట్టణం పేరు కూడా అష్షూరు – ఈ రెంటిని బట్టి ఈ రాజ్యానికి ఆ పేరు వచ్చింది. దీని రాజధాని నిమ్రోదు స్థాపించిన నీనెవె (ఆదికాండము 10:11). ఇది పురాతన కాలంలోని గొప్ప నగరాల్లో ఒకటి (యోనా 1:2 చూడండి). క్రీ.పూ. 700–650 ప్రాంతాల్లో అష్షూరు శక్తి విస్తీర్ణం ఉన్నత దశకు చేరుకుంది. నీనెవె నగరం క్రీ. పూ. 612లో నిర్మూలం అయిపోయింది. అష్షూరువారి బలప్రభావాలు బబులోనువారికి సంక్రమించాయి.

20. మెనహేము ఇశ్రా యేలులో భాగ్యవంతులైన గొప్పవారిలో ప్రతి మనిషి యొద్దను ఏబదేసి తులముల వెండి వసూలుచేసి యీ ద్రవ్య మును అష్షూరు రాజునకిచ్చెను గనుక అష్షూరురాజు దేశ మును విడిచి వెళ్లిపోయెను.

దేవుని ప్రజలు తమ పాపంవల్ల పరాయి రాజు తమ పైకి రాకుండా ఉండేందుకు అతనికి కానుకలు పంపవలసి వచ్చింది.

21. మెనహేము చేసిన యితర కార్యములనుగూర్చియు, అతడు చేసిన దానినంతటిని గూర్చియు ఇశ్రాయేలురాజుల వృత్తాంతముల గ్రంథమందు వ్రాయబడియున్నది.

22. మెనహేము తన పితరులతో కూడ నిద్రించిన తరువాత అతని కుమారుడైన పెకహ్యా అతనికి మారుగా రాజాయెను.

23. యూదారాజైన అజర్యా యేలుబడిలో ఏబదియవ సంవత్సరమందు మెనహేము కుమారుడైన పెకహ్యా షోమ్రోనులో ఇశ్రాయేలువారిని ఏలనారంభించి రెండు సంవత్సరములు ఏలెను.

24. ఇతడును ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక అనుసరించుచు యెహోవా దృష్టికి చెడుతనము జరిగించెను.

1 రాజులు 12:28-33.

25. ఇతని క్రింద అధిపతియు రెమల్యా కుమారుడునైన పెకహు కుట్ర చేసి, తనయొద్దనున్న గిలాదీయులైన యేబది మందితోను, అర్గోబుతోను, అరీహేనుతోను కలిసికొని షోమ్రోనులోనున్న రాజనగరులోని అంతఃపురమందు అతనిని చంపి, పెకహ్యాకు మారుగా రాజాయెను.

26. పెకహ్యా చేసిన యితర కార్యములనుగూర్చియు, అతడు చేసినదాని నంత టినిగూర్చియు ఇశ్రాయేలురాజుల వృత్తాంతముల గ్రంథమందు వ్రాయబడి యున్నది.

27. యూదారాజైన అజర్యా యేలుబడిలో ఏబదిరెండవ సంవత్సరమందు రెమల్యా కుమారుడైన పెకహు షోమ్రో నులో ఇశ్రాయేలును ఏలనారంభించి యిరువది సంవత్సర ములు ఏలెను.

యెషయా 7:1.

28. ఇతడును ఇశ్రాయేలువారు పాపము చేయుటకు కారకుడగు నెబాతు కుమారుడైన యరొబాము చేసిన పాపములను విడువక అనుసరించుచు యెహోవా దృష్టికి చెడుతనము జరిగించెను.

వ 9,18,24.

29. ఇశ్రాయేలు రాజైన పెకహు దినములలో అష్షూరురాజైన తిగ్లత్పిలేసెరు వచ్చి ఈయోను పట్టణమును, ఆబేల్బేత్మయకా పట్టణమును, యానోయహు పట్టణమును, కెదెషు పట్టణమును, హాసోరు పట్టణమును, గిలాదు దేశమును, గలిలయ దేశమును, నఫ్తాలీ దేశమంతయును పట్టుకొని అచ్చట నున్నవారిని అష్షూరు దేశమునకు చెరగా తీసికొని పోయెను.

ఇస్రాయేల్ ఉత్తర రాజ్యానికి అంతం ఆరంభమైనది.

30. అప్పుడు ఏలా కుమారుడైన హోషేయ ఇశ్రాయేలురాజును రెమల్యా కుమారుడునైన పెకహుమీద కుట్రచేసి, అతనిమీద పడి అతని చంపి, యూదా రాజైన ఉజ్జియా కుమారుడైన యోతాము ఏలుబడిలో ఇరువదియవ సంవత్సరమున అతనికి మారుగా రాజాయెను.

31. పెకహు చేసిన యితర కార్యములనుగూర్చియు, అతడు చేసిన దానినంతటిని గూర్చియు ఇశ్రాయేలురాజుల వృత్తాంతముల గ్రంథమందు వ్రాయ బడియున్నది.

32. ఇశ్రాయేలురాజును రెమల్యా కుమారుడునైన పెకహు ఏలుబడిలో రెండవ సంవత్సరమున యూదారాజైన ఉజ్జియా కుమారుడగు యోతాము ఏలనారంభించెను.

2 దినవృత్తాంతములు 26:1-23 2 దినవృత్తాంతములు 27:1-9.

33. అతడు ఇరువది యయిదేండ్లవాడై యెరూషలేమునందు రాజై పదునారు సంవత్సరములు ఏలెను. అతని తల్లి సాదోకు కుమార్తెయైన యెరూషా.

34. ఇతడు యెహోవా దృష్టికి నీతిగా ప్రవర్తించి తన తండ్రియైన ఉజ్జియా చర్యను పూర్తిగా అనుసరించెను.

2 రాజులు 15:3-4; 2 దినవృత్తాంతములు 26:4-5.

35. అయినను ఉన్నత స్థల ములను కొట్టివేయకుండెను; జనులు ఉన్నత స్థలములందు ఇంకను బలుల నర్పించుచు ధూపము వేయుచునుండిరి. ఇతడు యెహోవా మందిరమునకున్న యెత్తయిన ద్వార మును కట్టించెను.

వ 3; 2 రాజులు 12:3; 2 రాజులు 14:4.

36. యోతాము చేసిన యితర కార్యము లనుగూర్చియు, అతడు చేసినదాని నంతటినిగూర్చియు యూదారాజుల వృత్తాంతముల గ్రంథమందు వ్రాయబడి యున్నది.

37. ఆ దినములో యెహోవా సిరియారాజైన రెజీనును రెమల్యా కుమారుడైన పెకహును యూదా దేశముమీదికి పంపనారంభించెను.

2 రాజులు 16:5; యెషయా 7:1.

38. యోతాము తన పిత రులతో కూడ నిద్రించి తన పితరుడైన దావీదు పురమందు తన పితరుల సమాధిలో పాతిపెట్టబడెను; అతని కుమారుడైన ఆహాజు అతనికి మారుగా రాజాయెను.

“కన్ను మూసి”– 1 రాజులు 2:10 దగ్గర నోట్.