1. యెహోవాను స్తుతించుట మంచిది మహోన్నతుడా,

శీర్షిక – విశ్రాంతి దినం కోసం కీర్తన అని ప్రత్యేకంగా చెప్పబడిన కీర్తన ఇదొక్కటే (విశ్రాంతి దినం గురించి నోట్ నిర్గమకాండము 20:8-11). అలాగని విశ్రాంతి దినాన ఇతర కీర్తనలు చదవకూడదు, పాడకూడదు అని కాదు. ఇది విశ్రాంతి దినానికి ప్రత్యేకంగా సరిపోతుందని అర్థం. ఎందుకంటే ఇది విశ్రాంతి, ఆనందాల కీర్తన. దేవుని కార్యాలను బట్టి ఆయనకు స్తుతి కీర్తన. 4వ వచనం దీని సారాంశం ఇస్తున్నది. ఈ కీర్తనలో దిగులు, నిరుత్సాహం, సందేహం, దేవుని విధానాలను ప్రశ్నించడం వంటివి ఏమీ లేవు. హృదయానికి విశ్రాంతి, మనశ్శాంతి, దేవునిలో ఆనందం మాత్రమే ఉన్నాయి. విశ్రాంతి దినం అంటే నిజమైన అర్థం ఇదే. కృతజ్ఞత అర్పించడం, స్తుతించడం గురించి కీర్తనల గ్రంథము 7:17; కీర్తనల గ్రంథము 33:1-3 దగ్గర నోట్స్, రిఫరెన్సులు చూడండి.

2. నీ నామమును కీర్తించుట మంచిది. ఉదయమున నీ కృపను ప్రతి రాత్రి నీ విశ్వాస్యతను

అనేక లేఖన భాగాల్లో కనిపించే జంట అంశాలు దేవుని అనుగ్రహం, విశ్వసనీయత.

3. పది తంతుల స్వరమండలముతోను గంభీర ధ్వనిగల సితారాతోను ప్రచురించుట మంచిది.

4. ఎందుకనగా యెహోవా, నీ కార్యముచేత నీవు నన్ను సంతోషపరచుచున్నావు నీ చేతిపనులబట్టి నేను ఉత్సహించుచున్నాను.

దేవుని పనులు, మానవజాతి విషయంలో దేవుని చర్యల గురించిన సరియైన దృక్పథం, ఆయన పై సంపూర్ణమైన నమ్మకం, విధేయత విశ్వాసికి ఆనందం, ఉల్లాసాలను ఇస్తుంది (కీర్తనల గ్రంథము 4:7; కీర్తనల గ్రంథము 9:1-2; కీర్తనల గ్రంథము 21:6-7; కీర్తనల గ్రంథము 64:9-10).

5. యెహోవా, నీ కార్యములు ఎంత దొడ్డవి! నీ ఆలోచనలు అతిగంభీరములు,
ప్రకటన గ్రంథం 15:3

కీర్తనల గ్రంథము 33:11; కీర్తనల గ్రంథము 40:5; కీర్తనల గ్రంథము 111:2; కీర్తనల గ్రంథము 136:4; కీర్తనల గ్రంథము 139:17; యెషయా 55:8-9; రోమీయులకు 11:33-34; ప్రకటన గ్రంథం 15:3.

6. పశుప్రాయులు వాటిని గ్రహింపరు అవివేకులు వివేచింపరు.

పశుప్రాయులు, మూర్ఖులు అని తర్జుమా చేసిన హీబ్రూ పదాలు ఆధ్యాత్మిక జ్ఞానం లేనివారినీ, పాపంపట్ల ప్రీతి మూలంగా దేవుని నుంచి ఉపదేశం పొందడానికి నిరాకరించేవారనీ సూచిస్తాయి. వారు నిజమైన నైతిక, ధార్మిక విషయాలను ఏమాత్రం గ్రహించరు.

7. నిత్యనాశనము నొందుటకే గదా భక్తిహీనులు గడ్డివలె చిగుర్చుదురు. చెడుపనులు చేయువారందరు పుష్పించుదురు.

పశుప్రాయులు, మూర్ఖులు అర్థం చేసుకోలేని ఒక విషయం ఇక్కడుంది. దుర్మార్గులు వేటిని అనుసరిస్తూ వేటిలో ఆనందిస్తూ ఉన్నారో అవే చివరికి వారిని పూర్తిగా నాశనంలోకి నడిపిస్తాయి.

8. యెహోవా, నీవే నిత్యము మహోన్నతుడవుగా నుందువు

కీర్తనల గ్రంథము 83:18; కీర్తనల గ్రంథము 93:4; కీర్తనల గ్రంథము 113:5. కాబట్టి ఈ లోకమంతటి పరిపాలన విషయంలో విశ్వాసులు ఆందోళన చెందవలసిన పనేమీ ఉండదు.

9. నీ శత్రువులు యెహోవా, నీ శత్రువులు నశించెదరు చెడుపనులు చేయువారందరు చెదరిపోవుదురు.

కీర్తనల గ్రంథము 37:20; కీర్తనల గ్రంథము 73:27; కీర్తనల గ్రంథము 89:10.

10. గురుపోతు కొమ్మువలె నీవు నా కొమ్ము పైకెత్తితివి క్రొత్త తైలముతో నేను అంటబడితిని.

కీర్తనల గ్రంథము 75:4-5; కీర్తనల గ్రంథము 89:17; కీర్తనల గ్రంథము 112:9; లూకా 1:69.

11. నాకొరకు పొంచినవారి గతి నాకన్నులు ఆశతీర చూచెను నాకువిరోధముగా లేచినదుష్టులకు సంభవించినది నా చెవులకు వినబడెను

కీర్తనల గ్రంథము 54:7; కీర్తనల గ్రంథము 91:8.

12. నీతిమంతులు ఖర్జూరవృక్షమువలె మొవ్వువేయుదురు లెబానోనుమీది దేవదారు వృక్షమువలె వారు ఎదుగుదురు

బైబిల్లో విశ్వాసులను తరచుగా ఫలభరితమైన ద్రాక్షచెట్లతో ఇతర చెట్లతో పోల్చడం జరిగింది – కీర్తనల గ్రంథము 1:3; కీర్తనల గ్రంథము 52:8; ఆదికాండము 49:22; యిర్మియా 17:8; హోషేయ 14:5-6; యోహాను 15:1-5. న్యాయవంతుల గురించిన కొన్ని సత్యాలను ఇక్కడ గమనించండి. వారు ఆధ్యాత్మికంగా ఎదుగుతూనే ఉంటారు. దేవుని ఇంటిలో నాటబడి ఉన్నారు, అంటే వారి వేర్లు పవిత్రమైన నేలలో పాతుకొని దేవుని సహవాసంలో, పవిత్రమైన వాతావరణంలో పెరుగుతారు. వృద్ధాప్యంలో కూడా వారు ఆధ్యాత్మికంగా చురుకుగా ఫలవంతంగా ఉంటారు. వారిచ్చే సందేశంలోని సారాంశం తమ స్వంత నీతిన్యాయాలు కాదు, దేవునివే.

13. యెహోవా మందిరములో నాటబడినవారై వారు మన దేవుని ఆవరణములలో వర్ధిల్లుదురు.

14. నాకు ఆశ్రయ దుర్గమైన యెహోవా యథార్థవంతుడనియు ఆయనయందు ఏ చెడుతనమును లేదనియు ప్రసిద్ధి చేయుటకై

15. వారు ముసలితనమందు ఇంక చిగురు పెట్టుచుందురు సారము కలిగి పచ్చగా నుందురు.

“ఆధార శిల”– ద్వితీయోపదేశకాండము 32:4 నోట్. “చెడు...లేదు”– కీర్తనల గ్రంథము 9:14; 1 యోహాను 1:5.