1. మెట్టుకు సహోదరులారా, మేము ప్రభువైన యేసు ద్వారా మీకిచ్చిన ఆజ్ఞను మీరెరుగుదురు.

“దేవుణ్ణి సంతోషపెట్టాలో”– రోమీయులకు 14:18; 2 కోరింథీయులకు 5:9; ఎఫెసీయులకు 5:10; కొలొస్సయులకు 1:10. ఏ విశ్వాసీ కూడా మరి ఏ విధంగానూ జీవించడానికి ప్రయత్నించకూడదు. కేవలం దేవుణ్ణి సంతోషపెట్టడమే మన బాధ్యత అంతా. మనం చేసే ప్రతి దానిలోనూ “ఇది దేవునికి సంతోషమేనా” అని చూచుకోవాలి.

2. కాగా మీరేలాగు నడుచుకొని దేవుని సంతోషపరచవలెనో మావలన నేర్చుకొనిన ప్రకారముగా మీరు నడుచుకొనుచున్నారు. ఈ విషయములో మీరు అంతకంతకు అభివృద్ధి నొందవలెనని మిమ్మును వేడుకొని ప్రభువైన యేసునందు హెచ్చ రించుచున్నాము.

“ప్రభువైన యేసులో”– అంటే “యేసుప్రభు అధికారం చొప్పున” అని అర్థం. తాను క్రీస్తు రాయబారి అని పౌలుకు తెలుసు (2 కోరింథీయులకు 5:20). అతడు ప్రకటించిన శుభవార్తనూ సంఘాల్లో అతడు చేసిన ఉపదేశాలనూ ఇచ్చినది క్రీస్తే – 1 థెస్సలొనీకయులకు 2:13; గలతియులకు 1:11-12. అందువల్ల పరలోక అధికారమంతటితో అతడు మాట్లాడగలిగాడు.

3. మీరు పరిశుద్ధులగుటయే, అనగా మీరు జారత్వమునకు దూరముగా ఉండుటయే దేవుని చిత్తము.

“పవిత్రంగా”– 1 థెస్సలొనీకయులకు 3:13; 1 థెస్సలొనీకయులకు 5:23; యోహాను 17:17-19; రోమీయులకు 6:19; 2 కోరింథీయులకు 7:1; హెబ్రీయులకు 12:14; 1 పేతురు 1:15-16. “వ్యభిచారం”– 1 కోరింథీయులకు 6:18-20; గలతియులకు 5:19; ఎఫెసీయులకు 5:3; కొలొస్సయులకు 3:5.

4. మీలో ప్రతివాడును, దేవుని ఎరుగని అన్యజనులవలె కామాభిలాషయందు కాక,

“దేవుణ్ణి ఎరుగని...లేకుండా”– ఎఫెసీయులకు 4:17-20.

5. పరిశుద్ధతయందును ఘనతయందును తన తన ఘటమును ఎట్లు కాపాడుకొనవలెనో అది యెరిగియుండుటయే దేవుని చిత్తము.
జెకర్యా 14:5

“పాత్రను”– అంటే శరీరాన్ని. ఒక మనిషి శరీరం అతని ఆత్మ ఉండే పాత్ర. ఆ పాత్రను ఆ వ్యక్తి అదుపులో ఉంచుకోవాలి గానీ అదే తనను అదుపు చేసే పరిస్థితి రానియ్యకూడదు. “ఘనం”– వ్యభిచారం అపకీర్తినీ సిగ్గునూ తెస్తుంది.

6. ఈ విషయమందెవడును అతిక్రమించి తన సహోదరునికి మోసము చేయకుండవలెను; ఎందుకనగా మేము పూర్వము మీతో చెప్పి సాక్ష్యమిచ్చిన ప్రకారము ప్రభువు వీటన్నిటి విషయమై ప్రతిదండన చేయువాడు.
కీర్తనల గ్రంథము 79:6, యిర్మియా 10:25

“ఈ విషయంలో”వ్యభిచారం విషయంలో. ఈ పాపంలో పాల్గొనేవారు తమకే గాక వివాహంలో తమ భాగస్థులైన భర్తకు లేక భార్యకు కీడు చేస్తున్నారు.

7. పరిశుద్ధులగుటకే దేవుడు మనలను పిలిచెనుగాని అపవిత్రులుగా ఉండుటకు పిలువలేదు.

“పిలిచింది...పవిత్రత కోసమే”– 1 కోరింథీయులకు 1:2; తీతుకు 2:14; హెబ్రీయులకు 3:1; 1 పేతురు 1:15.

8. కాబట్టి ఉపేక్షించువాడు మనుష్యుని ఉపేక్షింపడు గాని మీకు తన పరిశుద్ధాత్మను అనుగ్రహించిన దేవునినే ఉపేక్షించుచున్నాడు.
కీర్తనల గ్రంథము 94:1

“తన ఆత్మను”– 1 కోరింథీయులకు 6:19; గలతియులకు 4:6; ఎఫెసీయులకు 1:13; యోహాను 14:16-17. “దేవుణ్ణే”– వ 2.

9. సహోదర ప్రేమనుగూర్చి మీకు వ్రాయనక్కరలేదు; మీరు ఒకని నొకడు ప్రేమించుటకు దేవుని చేతనే నేర్పబడితిరి.
యెహెఙ్కేలు 36:27, యెహెఙ్కేలు 37:14

“సోదర ప్రేమ”– విశ్వాసులకు పరస్పరం ఉండవలసిన ప్రేమ. వారంతా ఆధ్యాత్మికంగా సోదర సోదరీలే. ఒకే పరమ తండ్రికి చెందినవారు. ఈ సత్యానికి అనుగుణంగానే వారు ప్రవర్తించాలి – యోహాను 13:34; మొ।।. “దేవుడే మీకు నేర్పాడు”– యెషయా 54:13; యోహాను 6:45; 1 యోహాను 2:27 పోల్చి చూడండి. కీర్తనల గ్రంథము 25:4-5 చూడండి.

10. ఆలాగుననే మాసిదోనియ యందంతట ఉన్న సహోదరులందరిని మీరు ప్రేమించుచున్నారు. సహోదరులారా, మీరు ప్రేమయందు మరియొక్కువగా అభివృద్ధి నొందుచుండవలెననియు,

“మాసిదోనియ”– అపో. కార్యములు 16:9. తెస్సలొనీక పట్టణం ఈ రాష్ట్రంలోనే ఉంది. “అంతకంతకు”– 1 థెస్సలొనీకయులకు 3:12; 1 థెస్సలొనీకయులకు 4:1. క్రైస్తవ జీవితం ఎఫెసీయులకు 4:12-15 నెరవేరేవరకు ఎప్పుడూ ఎదుగుతూ ఉండవలసినదే.

11. సంఘమునకు వెలుపటివారి యెడల మర్యాదగా నడుచుకొనుచు, మీకేమియు కొదువ లేకుండునట్లు మేము మీకు ఆజ్ఞాపించిన ప్రకారము మీరు పరుల జోలికి పోక,

పౌలు మనకొక మంచి ఆశయాన్ని చూపుతున్నాడు. మనం ఎక్కడ ఉండాలని దేవుడు నిశ్చయించాడో అక్కడ ఉంచాడు. ప్రతి ఒక్కరికీ చేయడానికి పని ఇచ్చాడు. ఇతరుల వ్యవహారాల్లో వేలు పెట్టకుండా మనకు మనం ఓర్పుతో ఆ పని చేసుకుంటూ పోదాం.

12. మీ సొంతకార్యములను జరుపుకొనుట యందును మీ చేతులతో పనిచేయుటయందును ఆశకలిగి యుండవలెననియు, మిమ్మును హెచ్చరించుచున్నాము.

“సొంత చేతులతో”– ఇప్పటిలాగానే అప్పుడు కూడా కొందరు చేతులతో కష్టించి పని చేయడం అనేది పరువు తక్కువ పని అనీ హీనమనీ భావించేవారు. ఈ గొప్ప క్రీస్తురాయబారి అలా భావించలేదు (1 థెస్సలొనీకయులకు 2:9; అపో. కార్యములు 18:3; అపో. కార్యములు 20:34-35). ఏ విశ్వాసీ కూడా అలా తలంచకూడదని అతని ఉద్దేశం.

13. సహోదరులారా, నిరీక్షణలేని యితరులవలె మీరు దుఃఖపడకుండు నిమిత్తము, నిద్రించుచున్నవారిని గూర్చి మీకు తెలియకుండుట మాకిష్టములేదు.

క్రీస్తు రెండో రాకడ గురించి ఇతర భవిష్యత్ వాక్కుల కోసం మత్తయి 24:27-31, మత్తయి 24:36; యోహాను 14:3; అపో. కార్యములు 1:11; 1 కోరింథీయులకు 15:23, 1 కోరింథీయులకు 15:51-54; 2 థెస్సలొనీకయులకు 1:7; 2 థెస్సలొనీకయులకు 2:1, 2 థెస్సలొనీకయులకు 2:8; హెబ్రీయులకు 9:28; 1 యోహాను 2:28; ప్రకటన గ్రంథం 1:7; ప్రకటన గ్రంథం 19:11-16; ప్రకటన గ్రంథం 22:12 చూడండి. “కన్ను మూసిన”– యోహాను 11:11, యోహాను 11:14; అపో. కార్యములు 7:60 చూడండి. “ఆశాభావం”– క్రీస్తు లేని వారికి భవిష్యత్తు గురించి ఆశాభావానికి నిజమైన ఆధారం ఏదీ లేదు (ఎఫెసీయులకు 2:12). “శోకించకూడదు”– మరణమే మనుషుల అంతం కాదనీ తిరిగి సజీవంగా లేవడం, తమకన్నా ముందు చనిపోయినవారిని కలుసుకోవడం ఉంటుందనీ విశ్వాసులు ఎరిగి ఉండాలి.

14. యేసు మృతి పొంది తిరిగి లేచెనని మనము నమ్మినయెడల, అదే ప్రకారము యేసునందు నిద్రించినవారిని దేవుడాయనతో కూడ వెంటబెట్టుకొని వచ్చును.

“చనిపోయి...లేచాడని”– మత్తయి 27:50; మత్తయి 28:6; అపో. కార్యములు 1:3; అపో. కార్యములు 2:32; రోమీయులకు 1:4; 1 కోరింథీయులకు 15:3-8. “ఆ ప్రకారమే”– దేవుడు వెల్లడించిన ఒక సంగతిని మనం నిజంగా నమ్మితే, ఆయనే వెల్లడించిన ఇతర విషయాలను కూడా నమ్మాలి. “యేసులో కన్నుమూసిన వారిని”– ఆయన వచ్చేటప్పుడు యేసుప్రభువు చనిపోయిన విశ్వాసులందరి ఆత్మలను వెంటబెట్టుకు వస్తాడు.

15. మేము ప్రభువు మాటను బట్టి మీతో చెప్పునదేమనగా, ప్రభువు రాకడవరకు సజీవులమై నిలిచియుండు మనము నిద్రించినవారికంటె ముందుగా ఆయన సన్నిధి చేరము.

“ప్రభువు మాటగా”– మరి కొన్ని ఇతర సత్యాల్లాగానే యేసుప్రభువు ఈ సత్యాన్ని నేరుగా పౌలుకు వెల్లడించి ఉండవచ్చు (గలతియులకు 1:11-12). ఆయన ఈ లోకంలో ఉన్నప్పుడే ఈ మాట తన రాయబారులందరితోనూ చెప్పాడనుకునేందుకు కూడా అవకాశం ఉంది గానీ అలా చెప్పిన సంగతి శుభవార్త పుస్తకాల్లో రాసిలేదు. “మనం”– క్రీస్తు తిరిగి వచ్చేటప్పుడు కొందరు జీవించే ఉంటారు. “మనం” అదే మాట ఉపయోగించడం ద్వారా క్రీస్తు రాకడ సమయంలో బ్రతికి ఉండేవారిలో తానూ ఉంటానని పౌలు అనుకుంటున్నాడని భావించనక్కర్లేదు. ఈ యుగమంతట్లోవున్న విశ్వాసులందరినీ దృష్టిలో పెట్టుకొని “మనం” అని రాస్తున్నాడు – క్రీస్తు రాకడ సమయానికి అనేకమంది విశ్వాసులు చనిపోయి ఉంటారు. కొందరు మాత్రం అప్పటికి జీవిస్తూ ఉంటారు. క్రీస్తు రెండో రాకడ దినం ఎప్పుడన్నది మనకులాగానే పౌలుకూ తెలియదు – 1 థెస్సలొనీకయులకు 5:1-2; మత్తయి 24:36. యేసుప్రభువు తన ప్రజలకోసం తిరిగి రావడం మహా బాధ కాలానికి (మత్తయి 24:21) ముందో తరువాతనో పౌలు ఇక్కడ ఎలాంటి సూచనా ఇవ్వడం లేదు. “ముందరివారంగా”– బ్రతికి ఉన్నవారు మరణించిన వారికంటే ముందే మార్పు చెంది ఆకాశంలోకి వెళ్ళరు.

16. ఆర్భాటముతోను, ప్రధానదూతశబ్దముతోను, దేవుని బూరతోను పరలోకమునుండి ప్రభువు దిగివచ్చును; క్రీస్తునందుండి మృతులైన వారు మొదట లేతురు.

“ఆజ్ఞా పూర్వకమైన కేక”– ఇది చనిపోయినవారు తిరిగి లేవండి అన్న ఆజ్ఞ కావచ్చు. యోహాను 11:43-44 పోల్చి చూడండి. “ప్రధాన దూత”– మిఖాయేల్ (యూదా 1:9; దానియేలు 10:13). మిఖాయేల్ ఒక్కడే కాదు, క్రీస్తుతో అనేకమంది దేవదూతలు వస్తారు – మత్తయి 16:27; మత్తయి 25:31. “బూర శబ్దం”– 1 కోరింథీయులకు 15:52; మత్తయి 24:31 చూడండి. “పరలోకం నుంచి”– అపో. కార్యములు 1:11; అపో. కార్యములు 3:21; ప్రకటన గ్రంథం 19:11. “క్రీస్తులో...చనిపోయినవారు”– అవిశ్వాసులు ఈ సమయంలో సజీవంగా లేవడం గురించి పౌలు ఇక్కడ చెప్పడం లేదు. ప్రకటన గ్రంథం 20:4-6; ఫిలిప్పీయులకు 3:11 చూడండి.

17. ఆ మీదట సజీవులమై నిలిచియుండు మనము వారితోకూడ ఏకముగా ప్రభువును ఎదుర్కొనుటకు ఆకాశమండలమునకు మేఘములమీద కొనిపోబడుదుము. కాగా మనము సదాకాలము ప్రభువుతో కూడ ఉందుము.

“ఆకాశ మండలంలో ప్రభువును ఎదుర్కొనడానికి”– మత్తయి 24:31. దీని తరువాత ఏమి జరుగుతుందో పౌలు చెప్పడం లేదు – తన ప్రజలతో ప్రభువు భూమికి తిరిగి వస్తాడో రాడో ఇక్కడ రాసి లేదు. “మేఘాలలో”– దానియేలు 7:13; మత్తయి 24:30; మత్తయి 26:64; ప్రకటన గ్రంథం 1:7. “వారితోబాటు...పైకెత్తడం”– 1 కోరింథీయులకు 15:52-53 లో ఆ సమయంలో ఏమి జరుగుతుందో పౌలు చెప్పాడు. ఫిలిప్పీయులకు 3:20-21; 1 యోహాను 3:2 కూడా చూడండి. “ఎప్పటికీ ప్రభువుతో ఉంటాం”– ప్రతి విశ్వాసీ సాగిపోయేది ఈ గొప్ప గమ్యం వైపుకే (1 థెస్సలొనీకయులకు 5:10; యోహాను 14:3; కొలొస్సయులకు 3:4; ప్రకటన గ్రంథం 21:3; మొ।।).

18. కాబట్టి మీరు ఈ మాటలచేత ఒకనినొకడు ఆదరించుకొనుడి.

“ఓదార్చుకోండి”– వ 17 చివర్లో చెప్పిన సత్యం ఈ భూమిపై విశ్వాసులకు కలిగే ప్రతి దుఃఖంలోనూ ప్రతి నిరాశ, పరీక్ష, కష్టం, హింస, బాధలోనూ గొప్ప ప్రోత్సాహం, ఆదరణ ఇస్తుంది.