1. ఇస్సాకు యాకోబును పిలిపించి - నీవు కనాను కుమార్తెలలో ఎవతెను వివాహము చేసికొనకూడదు.

“దీవించాడు”– దేవుడు యాకోబును ఎన్నుకున్నాడన్న విషయాన్ని ఇస్సాకు వంటబట్టించుకున్నాడు (ఆదికాండము 28:3). “కనాను...స్త్రీలలో”– ఆదికాండము 10:15-19. అబ్రాహాము రాకముందు ఆ దేశనివాసులు.

2. నీవు లేచి పద్దనరాములోనున్న నీ తల్లికి తండ్రియైన బెతూయేలు ఇంటికి వెళ్లి అక్కడ నీ తల్లి సహోదరుడగు లాబాను కుమార్తెలలో ఒకదానిని వివాహము చేసికొనుమని యతనికి ఆజ్ఞాపించి

3. సర్వశక్తిగల దేవుడు నిన్ను ఆశీర్వదించి నీవు అనేక జనములగునట్లు నీకు సంతానాభివృద్ధి కలుగజేసి నిన్ను విస్తరింపజేసి నీవు పరవాసివైన దేశమును, అనగా దేవుడు అబ్రాహామున కిచ్చిన దేశమును, నీవు స్వాస్థ్యముగా చేసికొనునట్లు

4. ఆయన నీకు, అనగా నీకును నీతో కూడ నీ సంతానమునకును అబ్రాహామునకు అనుగ్రహించిన ఆశీర్వాదమును దయచేయును గాక అని అతని దీవించి యాకోబును పంపివేసెను.

ఆదికాండము 12:2-3 ఆదికాండము 15:18-21 చూడండి.

5. అతడు పద్దనరాములోనున్న సిరియావాడగు బెతూయేలు కుమారుడును, యాకోబు ఏశావుల తల్లియగు రిబ్కా సహోదరుడునైన లాబానునొద్దకు వెళ్లెను.

6. ఇస్సాకు యాకోబును దీవించి, పద్దనరాములో పెండ్లిచేసికొని వచ్చుటకై అతని నక్కడికి పంపెననియు, అతని దీవించినప్పుడు నీవు కనాను దేశపు కుమార్తెలలో ఎవరిని పెండ్లి చేసికొనవద్దని అతనికి ఆజ్ఞాపించెననియు

7. యాకోబు తన తల్లిదండ్రుల మాట విని పద్దనరామునకు వెళ్లి పోయెననియు ఏశావు తెలిసికొనినప్పుడు,

8. ఇదిగాక కనాను కుమార్తెలు తన తండ్రియైన ఇస్సాకునకు ఇష్టురాండ్రు కారని ఏశావునకు తెలిసినప్పుడు

9. ఏశావు ఇష్మాయేలు నొద్దకు వెళ్లి, తనకున్న భార్యలుగాక అబ్రాహాము కుమారుడైన ఇష్మాయేలు కుమార్తెయు నెబాయోతు సహోదరియునైన మహలతును కూడ పెండ్లి చేసికొనెను.

10. యాకోబు బెయేర్షెబా నుండి బయలుదేరి హారాను వైపు వెళ్లుచు

ఇప్పుడు కథ యాకోబుకు, అతని సంతతివారికి పరిమితం అయింది. ఎందుకంటే దేవుడు అబ్రాహాముతో చేసిన ఒడంబడిక యాకోబులో స్థిరం అయింది. అతని సంతతి ద్వారా లోకానికి తన దీవెనలు ఇవ్వాలని దేవుడు నిశ్చయించుకున్నాడు. “హారాను”– ఆదికాండము 11:31.

11. ఒకచోట చేరి ప్రొద్దు గ్రుంకినందున అక్కడ ఆ రాత్రి నిలిచిపోయి, ఆ చోటి రాళ్లలో ఒకటి తీసికొని తనకు తలగడగా చేసికొని, అక్కడ పండుకొనెను.

12. అప్పుడతడు ఒక కల కనెను. అందులో ఒక నిచ్చెన భూమిమీద నిలుపబడియుండెను; దాని కొన ఆకాశమునంటెను; దానిమీద దేవుని దూతలు ఎక్కుచు దిగుచునుండిరి.
యోహాను 1:51

“కల”– ఆదికాండము 15:12 సంఖ్యాకాండము 12:6 ద్వితీయోపదేశకాండము 13:1. “నిచ్చెన”– యోహాను 1:51 చూడండి. భూమికీ ఆకాశానికీ మధ్యను నిచ్చెనగా దేవుడు నియమించినది యేసుప్రభువునే – యోహాను 14:6 హెబ్రీయులకు 10:19-22. దేవునికీ మనుషులకూ మధ్య ఏకైక మధ్యవర్తి ఆయనే – 1 తిమోతికి 2:5.

13. మరియు యెహోవా దానికి పైగా నిలిచినేను నీ తండ్రియైన అబ్రాహాము దేవుడను ఇస్సాకు దేవుడైన యెహోవాను; నీవు పండుకొనియున్న యీ భూమిని నీకును నీ సంతానమునకును ఇచ్చెదను.

భయంతో తన ప్రాణాలు నిలుపుకునేందుకు యాకోబు మరో దేశానికి పారిపోతున్నాడు. దేవుడు తాను అబ్రాహాముతో చేసిన వాగ్దానాలను కరుణతో అతనితో స్థిరపరుస్తున్నాడు.

14. నీ సంతానము భూమిమీద లెక్కకు ఇసుక రేణువులవలెనగును; నీవు పడమటి తట్టును తూర్పు తట్టును ఉత్తరపు తట్టును దక్షిణపు తట్టును వ్యాపించెదవు, భూమియొక్క వంశములన్నియు నీ మూలముగాను నీ సంతానము మూలముగాను ఆశీర్వదింపబడును.

“ధన్యం అవుతాయి”– ఆదికాండము 12:2-3 యోహాను 4:22 యెషయా 2:3 రోమీయులకు 9:4-5.

15. ఇదిగో నేను నీకు తోడై యుండి, నీవు వెళ్లు ప్రతి స్థలమందు నిన్ను కాపాడుచు ఈ దేశమునకు నిన్ను మరల రప్పించెదను; నేను నీతో చెప్పినది నెరవేర్చువరకు నిన్ను విడువనని చెప్పగా
హెబ్రీయులకు 13:5

“నీకు తోడుగా”– ఆదికాండము 21:22 దగ్గర రిఫరెన్సులు. “కాపాడుతూ”– సంఖ్యాకాండము 6:24 1 సమూయేలు 2:9 కీర్తనల గ్రంథము 121:4-5 కీర్తనల గ్రంథము 121:7 యోహాను 10:28 యోహాను 17:12 యోహాను 17:15 2 తిమోతికి 1:12 1 పేతురు 1:5 యూదా 1:24.

16. యాకోబు నిద్ర తెలిసి - నిశ్చయముగా యెహోవా ఈ స్థలమందున్నాడు; అది నాకు తెలియక పోయెననుకొని

యాకోబు అనుకున్నది నిజమే. నిజ దేవుడు బీకరుడు, భయభక్తులు కలిగించేవాడు. ఆయన ఎక్కడ ఉంటే అది పవిత్ర స్థలం. మనుషులంతా ఆయనకు భయభక్తులు చూపడం నేర్చుకోవాలి (నిర్గమకాండము 3:4-6 నిర్గమకాండము 19:20-21 ద్వితీయోపదేశకాండము 28:58 యెహోషువ 5:13-15 కీర్తనల గ్రంథము 33:8 కీర్తనల గ్రంథము 68:35).

17. భయపడి ఈ స్థలము ఎంతో భయంకరము. ఇది దేవుని మందిరమే గాని వేరొకటి కాదు;

18. పరలోకపు గవిని ఇదే అనుకొనెను. తెల్లవారినప్పుడు యాకోబు లేచి తాను తలగడగా చేసికొనిన రాయితీసి దానిని స్తంభముగా నిలిపి దాని కొనమీద నూనె పోసెను.

“స్తంభం”– ఇది జ్ఞాపకార్థ స్తంభం. పూజ చేయడానికి కాదు. ఆ స్థలాన్ని దేవునికి ప్రతిష్ఠ చేయడానికి ఆ రాయిపై యాకోబు నూనె పోశాడు.

19. మరియు అతడు ఆ స్థలమునకు బేతేలను పేరు పెట్టెను. అయితే మొదట ఆ ఊరి పేరు లూజు.

“బేతేల్”అంటే “దేవుని ఇల్లు”. పాత ఒడంబడికలోని ప్రాముఖ్యమైన స్థలాల్లో ఇదీ ఒకటి అయింది (ఆదికాండము 12:8 ఆదికాండము 35:1 న్యాయాధిపతులు 1:22 1 రాజులు 12:28 2 రాజులు 2:2-3 2 రాజులు 17:28 2 రాజులు 23:15).

20. అప్పుడు యాకోబు నేను తిరిగి నా తండ్రి యింటికి క్షేమముగా వచ్చునట్లు దేవుడు నాకు తోడైయుండి, నేను వెళ్లుచున్న యీ మార్గములో నన్ను కాపాడి,

యాకోబు నమ్మకం నిజమైనదే అయినప్పటికీ బలమైనది కాదు. “నీవిలా చేస్తే” అని దేవుడు అనకపోయినప్పటికీ యాకోబు ఆ షరతు పెడుతున్నాడు. దేవుని వాగ్దానం షరతులతో కూడినది కాదు. కానీ 21,22 వచనాల్లో యాకోబు దేవునితో బేరమాడుతున్నట్టు కనిపిస్తున్నది. 15వ వచనంలో దేవుడతనితో చెప్పా

21. తినుటకు ఆహారమును ధరించుకొనుటకు వస్త్రములను నాకు దయచేసిన యెడల యెహోవా నాకు దేవుడై యుండును.

“ఉంటే...నా దేవుడుగా”– అతడు యెహోవాను తన దేవుడుగా ఎన్నుకొని ఆరాధించి సేవిస్తాడన్నమాట.

22. మరియు స్తంభముగా నేను నిలిపిన యీ రాయి దేవుని మందిరమగును; మరియు నీవు నా కిచ్చు యావత్తులో పదియవవంతు నిశ్చయముగా నీకు చెల్లించెదనని మ్రొక్కు కొనెను.

“పదో భాగం”– ఆదికాండము 14:20 లేవీయకాండము 27:30 సంఖ్యాకాండము 18:21 ద్వితీయోపదేశకాండము 14:22 మలాకీ 3:8. ఒక వ్యక్తి ఆదాయంలో పదో భాగం దేవుడు తన ప్రజలనుండి కోరుతున్న కనీసమైన అర్పణ. అయితే తన వాగ్దానాల నెరవేర్పుకోసం యాకోబుకు దేవుడు ఈ షరతు పెట్టలేదు.