Sajeeva Vahini - Bible AI - Beta

1. లేనివార్తను పుట్టింపకూడదు; అన్యాయపు సాక్ష్యమును పలుకుటకై దుష్టునితో నీవు కలియకూడదు;

“పలకకూడదు”– నిర్గమకాండము 20:16 లేవీయకాండము 19:11-12 ద్వితీయోపదేశకాండము 5:20 కీర్తనల గ్రంథము 101:5 సామెతలు 10:18.

2. దుష్కార్యము జరిగించుటకై సమూహమును వెంబడించవద్దు, న్యాయమును త్రిప్పి వేయుటకు సమూహముతో చేరి వ్యాజ్యెములో సాక్ష్యము పలుకకూడదు;

ద్వితీయోపదేశకాండము 16:19 ద్వితీయోపదేశకాండము 24:17.

3. వ్యాజ్యెమాడువాడు బీదవాడైనను వానియెడల పక్షపాతముగా నుండకూడదు.

లేవీయకాండము 19:15 ద్వితీయోపదేశకాండము 1:17 ద్వితీయోపదేశకాండము 16:19.

4. నీ శత్రువుని యెద్దయినను గాడిదయైనను తప్పిపోవు చుండగా అది నీకు కనబడినయెడల అగత్యముగా దాని తోలుకొనివచ్చి వాని కప్పగింపవలెను.
మత్తయి 5:44

ద్వితీయోపదేశకాండము 22:1-4.

5. నీవు నీ పగవాని గాడిద బరువుక్రింద పడియుండుట చూచి, దానినుండి తప్పింపక యుందునని నీవు అనుకొనినను అగత్యముగా వానితో కలిసి దాని విడిపింపవలెను.
మత్తయి 5:44

6. దరిద్రుని వ్యాజ్యెములో న్యాయము విడిచి తీర్పు తీర్చకూడదు

లేవీయకాండము 19:15 ద్వితీయోపదేశకాండము 1:17 ద్వితీయోపదేశకాండము 10:17 ద్వితీయోపదేశకాండము 16:19.

7. అబద్ధమునకు దూరముగానుండుము; నిరపరాధినైనను నీతిమంతునినైనను చంపకూడదు; నేను దుష్టుని నిర్దోషినిగా ఎంచను.

“అబద్ధాలకు...ఉండాలి”– నిర్గమకాండము 20:6 కీర్తనల గ్రంథము 119:29 ఎఫెసీయులకు 4:25. “నిర్దోషి...ఎంచను”– నిర్గమకాండము 34:7 ద్వితీయోపదేశకాండము 25:1 రోమీయులకు 1:18.

8. లంచము తీసి కొనకూడదు; లంచము దృష్టిగలవానికి గ్రుడ్డితనము కలుగజేసి, నీతిమంతుల మాటలకు అపార్థము చేయించును.

ద్వితీయోపదేశకాండము 10:17 ద్వితీయోపదేశకాండము 16:19 సామెతలు 15:27 సామెతలు 17:8 సామెతలు 17:23 యెషయా 5:22-23.

9. పరదేశిని బాధింపకూడదు; పరదేశి మనస్సు ఎట్లుండునో మీరెరుగుదురు; మీరు ఐగుప్తుదేశములో పరదేశులై యుంటిరిగదా.

నిర్గమకాండము 22:21 లేవీయకాండము 19:33-34 ద్వితీయోపదేశకాండము 24:17-18 ద్వితీయోపదేశకాండము 27:19.

10. ఆరు సంవత్సరములు నీ భూమిని విత్తి దాని పంట కూర్చుకొనవలెను.

లేవీయకాండము 25:1-7.

11. ఏడవ సంవత్సరమున దానిని బీడు విడువవలెను. అప్పుడు నీ ప్రజలలోని బీదలు తినిన తరువాత మిగిలినది అడవి మృగములు తినవచ్చును. నీ ద్రాక్షతోట విషయములోను నీ ఒలీవతోట విషయములోను ఆలాగుననే చేయవలెను.

12. ఆరు దినములు నీ పనులు చేసి, నీ యెద్దును నీ గాడిదయు నీ దాసి కుమారుడును పరదేశియు విశ్రమించునట్లు ఏడవ దినమున ఊరక యుండవలెను.

నిర్గమకాండము 20:8-11 నిర్గమకాండము 31:15 నిర్గమకాండము 34:31 నిర్గమకాండము 35:2-3.

13. నేను మీతో చెప్పినవాటినన్నిటిని జాగ్రత్తగా గైకొనవలెను; వేరొక దేవుని పేరు ఉచ్చరింప కూడదు; అది నీ నోటనుండి రానియ్య తగదు.

“జాగ్రత్తగా”– ద్వితీయోపదేశకాండము 4:9 ద్వితీయోపదేశకాండము 4:23 1 తిమోతికి 4:16. యెహోషువ 23:7 కీర్తనల గ్రంథము 16:4 హోషేయ 2:17.

14. సంవత్సరమునకు మూడుమారులు నాకు పండుగ ఆచరింపవలెను.

నిర్గమకాండము 34:22-24 ద్వితీయోపదేశకాండము 16:16.

15. పులియని రొట్టెల పండుగ నాచరింపవలెను. నేను నీ కాజ్ఞాపించినట్లు ఆబీబు నెలలో నీవు ఐగుప్తులోనుండి బయలుదేరి వచ్చితివి గనుక ఆ నెలలో నియామక కాలమందు ఏడు దినములు పులియని రొట్టెలను తినవలెను. నా సన్నిధిని ఎవడును వట్టిచేతులతో కనబడకూడదు.

నిర్గమకాండము 12:14-20 లేవీయకాండము 23:6-8 సంఖ్యాకాండము 28:16-25.

16. నీవు పొలములో విత్తిన నీ వ్యవసాయముల తొలిపంట యొక్క కోతపండుగను, పొలములోనుండి నీ వ్యవసాయ ఫలములను నీవు కూర్చుకొనిన తరువాత సంవత్సరాంత మందు ఫలసంగ్రహపు పండుగను ఆచరింపవలెను.

“కోత పండుగ”– నిర్గమకాండము 34:22 లేవీయకాండము 23:10 సంఖ్యాకాండము 28:26. “తొలిపంట”– లేవీయకాండము 23:39.

17. సంవత్సరమునకు మూడుమారులు పురుషులందరు ప్రభువైన యెహోవా సన్నిధిని కనబడవలెను.

నిర్గమకాండము 34:23 ద్వితీయోపదేశకాండము 16:16. స్త్రీలు, పిల్లలు ఇంటిదగ్గర ఉండాలని అర్థం కాదు. గమ్యం దూరంగా ప్రయాణం కష్టంగా ఉన్నట్టయితే వారు తప్పక రావాలని ఆజ్ఞ లేదు.

18. నా బలుల రక్తమును పులిసిన ద్రవ్యముతో అర్పింపకూడదు. నా పండుగలో నర్పించిన క్రొవ్వు ఉదయము వరకు నిలువ యుండకూడదు.

నిర్గమకాండము 34:25 లేవీయకాండము 2:11.

19. నీ భూమి ప్రథమ ఫలములో మొదటివాటిని దేవుడైన యెహోవా మందిరమునకు తేవలెను. మేకపిల్లను దాని తల్లిపాలతో ఉడకబెట్టకూడదు.

నిర్గమకాండము 22:29 నిర్గమకాండము 34:26 ద్వితీయోపదేశకాండము 26:2 ద్వితీయోపదేశకాండము 26:10 నెహెమ్యా 10:35 సామెతలు 3:6.

20. ఇదిగో త్రోవలో నిన్ను కాపాడి నేను సిద్ధపరచిన చోటుకు నిన్ను రప్పించుటకు ఒక దూతను నీకు ముందుగా పంపుచున్నాను.
మత్తయి 11:10, మార్కు 1:2, లూకా 7:27, యోహాను 14:11, అపో. కార్యములు 7:38-39, 1 కోరింథీయులకు 10:9

నిర్గమకాండము 3:2 నిర్గమకాండము 14:19 నిర్గమకాండము 32:34 నిర్గమకాండము 33:2. “దూత”గురించి నోట్ ఆదికాండము 16:7.

21. ఆయన సన్నిధిని జాగ్రత్తగానుండి ఆయన మాట వినవలెను. ఆయన కోపము రేపవద్దు; మీ అతిక్రమములను ఆయన పరిహరింపడు, నా నామము ఆయనకున్నది.
యోహాను 14:11, అపో. కార్యములు 7:38-39

“తిరగబడకూడదు”– ద్వితీయోపదేశకాండము 9:7 కీర్తనల గ్రంథము 78:40 కీర్తనల గ్రంథము 78:56. “పేరు”– నిర్గమకాండము 3:14 నిర్గమకాండము 6:3 నిర్గమకాండము 34:5-7. ఆదికాండము 16:7 నోట్.

22. అయితే నీవు ఆయన మాటను జాగ్రత్తగా విని నేను చెప్పినది యావత్తు చేసినయెడల నేను నీ శత్రువులకు శత్రువును నీ విరోధులకు విరోధియునై యుందును.
1 పేతురు 2:9

ఆదికాండము 12:3 సంఖ్యాకాండము 24:9 ద్వితీయోపదేశకాండము 30:7.

23. ఎట్లనగా నా దూత నీకు ముందుగావెళ్లుచు, అమోరీయులు హిత్తీయులు పెరిజ్జీయులు కనానీయులు హివ్వీయులు యెబూసీయులను వారున్న చోటుకు నిన్ను రప్పించును, నేను వారిని సంహరించెదను.

యెహోషువ 24:8 యెహోషువ 24:11. ఆదికాండము 6:7 లేవీయకాండము 18:24 నోట్.

24. వారి దేవతలకు సాగిలపడకూడదు, వాటిని పూజింపకూడదు; వారి క్రియలవంటి క్రియలు చేయక వారిని తప్పక నిర్మూలము చేసి, వారి విగ్రహములను బొత్తిగా పగులగొట్టవలెను.

“సాగిలపడకూడదు”– నిర్గమకాండము 20:5 ద్వితీయోపదేశకాండము 12:30-31. “పగలగొట్టాలి”– సంఖ్యాకాండము 33:52 ద్వితీయోపదేశకాండము 7:5 ద్వితీయోపదేశకాండము 12:3 2 రాజులు 18:4.

25. నీ దేవుడైన యెహోవానే సేవింపవలెను, అప్పుడు ఆయన నీ ఆహారమును నీ పానమును దీవించును. నేను నీ మధ్యనుండి రోగము తొలగించెదను.

“ఆశీస్సులు”– లేవీయకాండము 26:3-13 ద్వితీయోపదేశకాండము 6:13 ద్వితీయోపదేశకాండము 10:12 ద్వితీయోపదేశకాండము 28:1-14 యెహోషువ 22:5 1 సమూయేలు 12:20. “రోగం”– నిర్గమకాండము 15:26 ద్వితీయోపదేశకాండము 7:15.

26. కడుపు దిగబడునదియు గొడ్డుదియు నీ దేశము లోను ఉండదు. నీ దినముల లెక్క సంపూర్తి చేసెదను.

27. నన్నుబట్టి మనుష్యులు నీకు భయపడునట్లు చేసెదను. నీవు పోవు సర్వ దేశములవారిని ఓడ గొట్టి నీ సమస్త శత్రువులు నీ యెదుటనుండి పారిపోవునట్లు చేసెదను.

28. మరియు, పెద్ద కందిరీగలను నీకు ముందుగా పంపించెదను, అవి నీ యెదుటనుండి హివ్వీయులను కనానీయులను హిత్తీయులను వెళ్లగొట్టను.

29. దేశము పాడై అడవిమృగములు నీకు విరోధముగా విస్తరింపకుండునట్లు వారిని ఒక్క సంవత్సరములోనే నీ యెదుటనుండి వెళ్లగొట్టను.

30. నీవు అభివృద్ధిపొంది ఆ దేశమును స్వాధీనపరచుకొనువరకు క్రమక్రమముగా వారిని నీయెదుటనుండి వెళ్లగొట్టెదను.

31. మరియు ఎఱ్ఱ సముద్రమునుండి ఫిలిష్తీయుల సముద్రము వరకును అరణ్యమునుండి నదివరకును నీ పొలిమేరలను ఏర్పరచెదను, ఆ దేశ నివాసులను నీ చేతి కప్పగించెదను. నీవు నీ యెదుటనుండి వారిని వెళ్లగొట్టెదవు.

“సముద్రం”– మధ్యధరా సముద్రం.

32. నీవు వారితో నైనను వారి దేవతలతోనైనను నిబంధన చేసికొనవద్దు. నీవు వారి దేవతలను సేవించినయెడల అది నీకు ఉరియగును గనుక

“ఒడంబడిక”– నిర్గమకాండము 34:12 ద్వితీయోపదేశకాండము 7:2.

33. వారు నీచేత నాకు విరోధముగా పాపము చేయింపకుండునట్లు వారు నీ దేశములో నివసింపకూడదు.