Sajeeva Vahini - Bible AI - Beta

1. మరియు యెహోవా వాక్కు నాకు ప్రత్యక్షమై యీలాగు సెలవిచ్చెను

1. mariyu yehovaa vaakku naaku pratyakshamai yeelaagu selavicchenu

2. నరపుత్రుడా, నీవు ఉపమానరీతిగా విప్పుడు కథ యొకటి ఇశ్రాయేలీయులకు వేయుము. ఎట్లనగా ప్రభువగు యెహోవా సెలవిచ్చునదేమనగా

2. naraputrudaa, neevu upamaanareethigaa vippudu katha yokati ishraayeleeyulaku veyumu. Etlanagaa prabhuvagu yehovaa sela vichunadhemanagaa

3. నానావిధములగు విచిత్ర వర్ణములు గల రెక్కలును ఈకెలును పొడుగైన పెద్ద రెక్కలునుగల యొక గొప్ప పక్షిరాజు లెబానోను పర్వతమునకు వచ్చి యొక దేవదారు వృక్షపు పైకొమ్మను పట్టుకొనెను.

3. naanaavidhamulagu vichitra varnamulu gala rekkalunu eekelunu podugaina pedda rekkalunugala yoka goppa pakshiraaju lebaanonu parvathamunaku vachi yoka dhevadaaru vrukshapu paikommanu pattukonenu.

4. అది దాని లేతకొమ్మల చిగుళ్లను త్రుంచి వర్తక దేశమునకు కొనిపోయి వర్తకులున్న యొక పురమందు దానిని నాటెను.

4. adhi daani lethakommala chigullanu trunchi varthaka dheshamunaku konipoyi varthakulunna yoka puramandu daanini naatenu.

5. మరియు అది దేశపు విత్తనములలో కొన్ని తీసికొనిపోయి గన్నేరు చెట్టును నాటినట్లుగా విస్తారము పారు నీరు కలిగి బాగుగా సేద్యము చేయబడిన భూమిలో దాని నాటెను.

5. mariyu adhi dheshapu vitthanamulalo konni theesikonipoyi ganneru chettunu naatinatlugaa visthaaramu paaru neeru kaligi baagugaa sedyamu cheyabadina bhoomilo daani naatenu.

6. అది చిగిర్చిపైకి పెరుగక విశాలముగా కొమ్మలతో అల్లుకొని గొప్ప ద్రాక్షావల్లి ఆయెను; దాని కొమ్మలు ఆ పక్షిరాజువైపున అల్లుకొనుచుండెను, దాని వేళ్లు క్రిందికి తన్నుచుండెను; ఆలాగున ఆ ద్రాక్షచెట్టు శాఖోపశాఖలుగా వర్థిల్లి రెమ్మలువేసెను.

6. adhi chigirchipaiki perugaka vishaalamugaa kommalathoo allukoni goppa draakshaavalli aayenu; daani kommalu aa pakshiraajuvaipuna allukonuchundenu, daani vellu krindiki thannuchundenu; aalaaguna aa draakshachettu shaakhopashaakhalugaa varthilli remmaluvesenu.

7. పెద్ద రెక్కలును విస్తారమైన యీకెలునుగల యింకొక గొప్ప పక్షిరాజు కలడు. ఆ చెట్టు శాఖలను బాగుగా పెంచి, బహుగా ఫలించు మంచి ద్రాక్షావల్లి యగునట్లుగా అది విస్తార జలముగల మంచి భూమిలో నాటబడియుండినను ఆ పక్షిరాజు తనకు నీరు కట్టవలెనని తన పాదుల కాలువలోనుండి అది యా పక్షితట్టు తన వేళ్లను త్రిప్పి తన శాఖలను విడిచెను.

7. pedda rekkalunu visthaaramaina yeekelunugala yinkoka goppa pakshi raaju kaladu. aa chettu shaakhalanu baagugaa penchi, bahugaa phalinchu manchi draakshaavalli yagunatlugaa adhi visthaara jalamugala manchi bhoomilo naatabadiyundinanu aa pakshiraaju thanaku neeru kattavalenani thana paadulakaaluva lonundi adhi yaa pakshithattu thana vellanu trippi thana shaakhalanu vidichenu.

8. కావున నీవీలాగు ప్రకటింపుము ప్రభువగు యెహోవా సెలవిచ్చునదేమనగా అట్టి ద్రాక్షావల్లి వృద్ధినొందునా?

8. kaavuna neeveelaagu prakatimpumu prabhuvagu yehovaa selavichunadhemanagaa atti draakshaavalli vruddhinondunaa?

9. అది యెండిపోవునట్లు జనులు దాని వేళ్లను పెరికి దాని పండ్లు కోసివేతురు, దాని చిగుళ్లు ఎండిపోగా ఎంతమంది సేద్యగాండ్రు ఎంత కాపుచేసినను దాని వేళ్లు ఇక చిగిరింపవు.

9. adhi yendipovunatlu janulu daani vellanu periki daani pandlu kosivethuru, daani chigullu endipogaa enthamandi sedyagaandru entha kaapu chesinanu daani vellu ika chigirimpavu.

10. అది నాటబడినను వృద్ధిపొందునా? తూర్పుగాలి దానిమీద విసరగా అది బొత్తిగా ఎండిపోవును, అది నాటబడిన పాదిలోనే యెండిపోవును.

10. adhi naatabadinanu vruddhi pondunaa? thoorpugaali daanimeeda visaragaa adhi botthigaa endipovunu, adhi naatabadina paadhilone yendi povunu.

11. మరియు యెహోవా వాక్కు నాకు ప్రత్యక్షమై యీలాగు సెలవిచ్చెను

11. mariyu yehovaa vaakku naaku pratyakshamai yeelaagu selavicchenu

12. తిరుగుబాటుచేయు వీరితో ఇట్లనుము ఈ మాటల భావము మీకు తెలియదా? యిదిగో బబులోనురాజు యెరూషలేమునకు వచ్చి దాని రాజును దాని అధిపతులను పట్టుకొని, తనయొద్ద నుండుటకై బబులోనుపురమునకు వారిని తీసికొనిపోయెను.

12. thirugubaatucheyu veerithoo itlanumu ee maatala bhaavamu meeku teliyadaa? Yidigo babulonuraaju yerooshalemunaku vachi daani raajunu daani adhipathulanu pattukoni, thanayoddha nundutakai babulonupuramunaku vaarini theesikonipoyenu.

13. మరియు అతడు రాజసంతతిలో ఒకని నేర్పరచి, ఆ రాజ్యము క్షీణించి తిరుగుబాటు చేయలేక యుండునట్లును, తాను చేయించిన నిబంధనను ఆ రాజు గైకొనుట వలన అది నిలిచియుండునట్లును,

13. mariyu athadu raajasanthathilo okani nerparachi, aa raajyamu ksheeninchi thirugubaatu cheyaleka yundu natlunu, thaanu cheyinchina nibandhananu aa raaju gaikonuta valana adhi nilichiyundunatlunu,

14. అతనితో నిబంధనచేసి అతనిచేత ప్రమాణముచేయించి, దేశములోని పరాక్రమ వంతులను తీసికొనిపోయెను.

14. athanithoo nibandhanachesi athanichetha pramaanamucheyinchi, dheshamuloni paraakrama vanthulanu theesikonipoyenu.

15. అయితే అతడు తనకు గుఱ్ఱములను గొప్ప సైన్యమునిచ్చి సహాయముచేయవలెనని యడుగుటకై ఐగుప్తుదేశమునకు రాయబారులను పంపి బబులోనురాజు మీద తిరుగుబాటు చేసెను; అతడు వర్ధిల్లునా? అట్టి క్రియలను చేసిన వాడు తప్పించుకొనునా? నిబంధనను భంగము చేసెను గనుక తప్పించుకొనడు

15. ayithe athadu thanaku gurramulanu goppa sainyamu nichi sahaayamucheyavalenani yadugutakai aigupthudheshamunaku raayabaarulanu pampi babulonuraaju meeda thirugubaatu chesenu; athadu vardhillunaa? Atti kriyalanu chesina vaadu thappinchukonunaa? Nibandhananu bhangamu chesenu ganuka thappinchukonadu

16. ఎవనికి తాను ప్రమాణముచేసి దాని నిర్లక్ష్యపెట్టెనో, యెవనితో తానుచేసిన నిబంధనను అతడు భంగముచేసెనో, యెవడు తన్ను రాజుగా నియమించెనో ఆ రాజునొద్దనే బబులోను పురములోనే అతడు మృతినొందునని నా జీవముతోడు ప్రమాణము చేయుచున్నాను; ఇదే ప్రభువైన యెహోవా వాక్కు.

16. evaniki thaanu pramaanamuchesi daani nirlakshyapetteno, yevanithoo thaanuchesina nibandhananu athadu bhangamucheseno, yevadu thannu raajugaa niyamincheno aa raajunoddhane babulonu puramulone athadu mruthinondunani naa jeeva muthoodu pramaanamu cheyuchunnaanu; idhe prabhu vaina yehovaa vaakku.

17. యుద్ధము జరుగగా అనేక జనులను నిర్మూలము చేయవలెనని కల్దీయులు దిబ్బలువేసి బురుజులు కట్టిన సమయమున, ఫరో యెంత బలము ఎంత సమూహము కలిగి బయలుదేరినను అతడు ఆ రాజునకు సహాయము ఎంతమాత్రము చేయజాలడు.

17. yuddhamu jarugagaa aneka janulanu nirmoolamu cheyavalenani kaldeeyulu dibbaluvesi burujulu kattina samayamuna, pharo yentha balamu entha samoohamu kaligi bayaludherinanu athadu aa raajunaku sahaayamu enthamaatramu cheyajaaladu.

18. తన ప్రమాణము నిర్లక్ష్యపెట్టి తాను చేసిన నిబంధనను భంగము చేసెను, తన చెయ్యి యిచ్చియు ఇట్టి కార్యములను అతడు చేసెనే, అతడు ఎంతమాత్రమును తప్పించుకొనడు.

18. thana pramaanamu nirlakshyapetti thaanu chesina nibandhananu bhangamu chesenu, thana cheyyi yichiyu itti kaaryamulanu athadu chesene, athadu enthamaatramunu thappinchukonadu.

19. ఇందుకు ప్రభువైన యెహోవా ఈలాగున సెలవిచ్చుచున్నాడు అతడు నిర్లక్ష్యపెట్టిన ప్రమాణము నేను చేయించినది గదా, అతడు రద్దుపరచిన నిబంధన నేను చేసినదే గదా, నా జీవముతోడు ఆ దోషశిక్ష అతని తలమీదనే మోపుదును,

19. induku prabhuvaina yehovaa eelaaguna selavichuchunnaadu athadu nirlakshyapettina pramaanamu nenu cheyinchinadhi gadaa, athadu radduparachina nibandhana nenu chesinadhe gadaa, naa jeevamuthoodu aa doshashiksha athani thalameedane mopudunu,

20. అతని పట్టుకొనుటకై నేను వలనొగ్గి యతని చిక్కించుకొని బబులోనుపురమునకు అతని తీసికొనిపోయి, నామీద అతడు చేసియున్న విశ్వాస ఘాతకమునుబట్టి అక్కడనే అతనితో వ్యాజ్యెమాడుదును.

20. athani pattukonutakai nenu valanoggi yathani chikkinchukoni babulonupuramunaku athani theesikonipoyi, naameeda athadu chesiyunna vishvaasa ghaathakamunubatti akkadane athanithoo vyaajyemaadudunu.

21. మరియు యెహోవానగు నేనే ఈ మాట సెలవిచ్చితినని మీరు తెలిసికొనునట్లు అతని దండువారిలో తప్పించుకొని పారి పోయినవారందరును ఖడ్గముచేత కూలుదురు, శేషించిన వారు నలుదిక్కుల చెదరిపోవుదురు.

21. mariyu yehovaanagu nene ee maata selavichithinani meeru telisikonunatlu athani danduvaarilo thappinchukoni paari poyinavaarandarunu khadgamuchetha kooluduru, sheshinchina vaaru naludikkula chedaripovuduru.

22. మరియు ప్రభువైన యెహోవా ఈ మాట సెలవిచ్చుచున్నాడు ఎత్తయిన దేవదారు వృక్షపు పైకొమ్మ యొకటి నేను తీసి దాని నాటుదును, పైగా నున్నదాని శాఖలలో లేతదాని త్రుంచి అత్యున్నత పర్వతముమీద దాని నాటుదును.
మత్తయి 13:32, మార్కు 4:32, లూకా 13:19

22. mariyu prabhuvaina yehovaa ee maata selavichuchunnaadu etthayina dhevadaaru vrukshapu paikomma yokati nenu theesi daani naatudunu, paigaa nunnadaani shaakhalalo lethadaani trunchi atyunnatha parvathamumeeda daani naatudunu.

23. ఇశ్రాయేలు దేశములోని యెత్తుగల పర్వతము మీద నేను దానిని నాటగా అది శాఖలు విడిచి బహుగా ఫలించు శ్రేష్ఠమైన దేవదారు చెట్టగును, సకల జాతుల పక్షులును దానిలో గూళ్లు కట్టుకొనును.
మత్తయి 13:32, మార్కు 4:32

23. ishraayelu dheshamuloni yetthugala parvathamu meeda nenu daanini naatagaa adhi shaakhalu vidichi bahugaa phalinchu shreshthamaina dhevadaaru chettagunu, sakala jaathula pakshulunu daanilo goollu kattukonunu.

24. దాని కొమ్మల నీడను అవి దాగును; మరియు యెహోవానగు నేనే ఘనమైన చెట్టును నీచమైనదిగాను నీచమైన చెట్టును ఘనమైనదిగాను చేయువాడననియు, పచ్చని చెట్టు ఎండిపోవు నట్లును ఎండిన చెట్టు వికసించునట్లును చేయువాడననియు భూమియందుండు సకలమైన చెట్లకు తెలియబడును. యెహోవానగు నేను ఈ మాట సెలవిచ్చితిని, నేనే దాని నెరవేర్చెదను.

24. daani kommala needanu avi daagunu; mariyu yeho vaanagu nene ghanamaina chettunu neechamainadhigaanu neechamaina chettunu ghanamainadhigaanu cheyuvaadananiyu, pacchani chettu endipovu natlunu endina chettu vikasinchunatlunu cheyuvaadananiyu bhoomiyandundu sakalamaina chetlaku teliyabadunu. Yehovaanagu nenu ee maata selavichithini, nene daani neraverchedanu.