Sajeeva Vahini - Bible AI - Beta

1. ఆ దినములలో, అనగా యూదావారిని యెరూషలేము కాపురస్థులను నేను చెరలోనుండి రప్పించు కాలమున

“క్షేమస్థితి...మళ్ళీ”– అంటే యూదానూ జెరుసలంనూ తిరిగి ఆధ్యాత్మిక సౌభాగ్యంలోకి, దేవుని ఆశీస్సుల్లోకి తీసుకురావడం (యోవేలు 2:26-27, యోవేలు 2:32; యెషయా 2:1-4; యెషయా 40:9-11; యెషయా 44:1-5; యెషయా 51:1-3; యెషయా 59:20 యెషయా 60:22; యెషయా 62:1-12; యిర్మియా 31:35-40; యెహెఙ్కేలు 37:15-27; హోషేయ 2:14-23; ఆమోసు 9:14-15; జెకర్యా 14:8-11, జెకర్యా 14:20-21). “ఆ రోజుల్లో...ఆ కాలంలో”– హోషేయ 2:30-32 లో చెప్పిన కాలం.

2. అన్యజనులనందరిని సమకూర్చి, యెహోషాపాతు లోయలోనికి తోడుకొనిపోయి, వారు ఆయా దేశములలోనికి నా స్వాస్థ్యమగు ఇశ్రాయేలీయులను చెదరగొట్టి, నా దేశమును తాము పంచుకొనుటనుబట్టి నా జనుల పక్షమున అక్కడ నేను ఆ అన్యజనులతో వ్యాజ్యెమాడుదును.

“క్షేమస్థితి...మళ్ళీ”– అంటే యూదానూ జెరుసలంనూ తిరిగి ఆధ్యాత్మిక సౌభాగ్యంలోకి, దేవుని ఆశీస్సుల్లోకి తీసుకురావడం (యోవేలు 2:26-27, యోవేలు 2:32; యెషయా 2:1-4; యెషయా 40:9-11; యెషయా 44:1-5; యెషయా 51:1-3; యెషయా 59:20 యెషయా 60:22; యెషయా 62:1-12; యిర్మియా 31:35-40; యెహెఙ్కేలు 37:15-27; హోషేయ 2:14-23; ఆమోసు 9:14-15; జెకర్యా 14:8-11, జెకర్యా 14:20-21). “ఆ రోజుల్లో...ఆ కాలంలో”– హోషేయ 2:30-32 లో చెప్పిన కాలం.

3. వారు నా జనులమీద చీట్లువేసి, వేశ్యకు బదులుగా ఒక బాలుని ఇచ్చి ద్రాక్షారసము కొనుటకై యొక చిన్నదానిని ఇచ్చి త్రాగుచు వచ్చిరి గదా?

“చీట్లు”– ఓబద్యా 1:11. శత్రువులు దేశాన్ని జయించినప్పుడు ప్రజల్ని బానిసలుగా చూశారు.

4. తూరు పట్టణమా, సీదోనుపట్టణమా, ఫిలిష్తీయ ప్రాంత వాసులారా, మీతో నాకు పనియేమి? నేను చేసినదానికి మీరు నాకు ప్రతికారము చేయుదురా? మీరు నాకేమైన చేయుదురా?
మత్తయి 11:21-22, లూకా 10:13-14

ఇస్రాయేల్‌ప్రజలను పీడించిన జాతులన్నిటికీ తాను ఏం చేస్తాడో తెలియజేసేందుకు దేవుడు తూరు, సీదోనులను ఉదాహరణలుగా చెప్తున్నాడు. దేవుడు ఏ నియమం ప్రకారం తీర్పు తీరుస్తాడో చూడండి – “మీరు చేసినదాన్ని...మీ నెత్తి మీదికి రప్పిస్తాను”. ద్వితీయోపదేశకాండము 32:40-43; కీర్తనల గ్రంథము 79:1-7; కీర్తనల గ్రంథము 83:1-18; కీర్తనల గ్రంథము 94:23; యిర్మియా 25:12-14 పోల్చి చూడండి. తూరు సీదోనుల గురించి నోట్ యెషయా 23:1-2.

5. నా వెండిని నా బంగారమును మీరు పట్టుకొనిపోతిరి; నాకు ప్రియమైన మంచి వస్తువులను పట్టుకొనిపోయి మీ గుళ్లలో ఉంచుకొంటిరి.

6. యూదావారిని యెరూషలేము పట్టణపువారిని తమ సరిహద్దులకు దూరముగా నివసింపజేయుటకై మీరు వారిని గ్రేకీయులకు అమ్మివేసితిరి; మీరు చేసినదానిని బహుత్వరగా మీ నెత్తిమీదికి రప్పించెదను.

7. ఇదిగో మీరు చేసిన దానిని మీ నెత్తిమీదికి రాజేయుదును; మీరు వారిని అమ్మి పంపివేసిన ఆయా స్థలములలోనుండి నేను వారిని రప్పింతును

8. మీ కుమారులను కుమార్తెలను యూదావారికి అమ్మివేయింతును; వారు దూరముగా నిసించు జనులైన షెబాయీయులకు వారిని అమ్మివేతురు; యెహోవా సెలవిచ్చిన మాట యిదే.

9. అన్యజనులకు ఈ సమాచారము ప్రకటనచేయుడి యుద్ధము ప్రతిష్ఠించుడి, బలాఢ్యులను రేపుడి, యోధులందరు సిద్ధపడిరావలెను.

“యుద్ధానికి”– యెహోవా దినానికి సంబంధించినది ఈ యుద్ధం (వ 14-16), గనుక దీని నెరవేర్పు ఈ యుగాంతంలో ఉంటుంది.

10. మీ కఱ్ఱులు చెడగొట్టి ఖడ్గములు చేయుడి, మీ పోటకత్తులు చెడగొట్టి ఈటెలు చేయుడి; బలహీనుడు నేను బలాఢ్యుడను అనుకొనవలెను.

యెషయా 2:4 పోల్చి చూడండి. ఈ అంతిమ మహా యుద్ధం అయిపోయాక పరిస్థితులు ఎలా ఉంటాయో అక్కడ వర్ణించబడింది.

11. చుట్టుపట్లనున్న అన్యజనులారా, త్వరపడి రండి; సమకూడి రండి. యెహోవా, నీ పరాక్రమశాలురను ఇక్కడికి తోడుకొని రమ్ము.

“అక్కడ”– వ 2,14-16. “నీ బలాఢ్యులను”– జెరుసలంకు విరోధంగా వస్తున్న సైన్యాలను ఎదిరించే దేవదూతలు అని అర్థం కావచ్చు. జెకర్యా 14:5 పోల్చి చూడండి.

12. నలుదిక్కులనున్న అన్యజనులకు తీర్పు తీర్చుటకై నేను యెహోషాపాతు లోయలో ఆసీనుడనగుదును; అన్యజనులు లేచి అచ్చటికి రావలెను

దేవుడు మాట్లాడుతున్నాడు. “యెహోషాపాతు”– వ 2. ఇది వ్యక్తులకు జరిగే తీర్పు కాదు. జెరుసలం పైకి దాడికి వచ్చే సైన్యాల పై దేవుడు దండన కుమ్మరించి కడతేరుస్తాడు. జెకర్యా 12:2-9; జెకర్యా 14:3 పోల్చి చూడండి.

13. పైరు ముదిరినది, కొడవలిపెట్టి కోయుడి; గానుగ నిండియున్నది; తొట్లు పొర్లిపారుచున్నవి, జనుల దోషము అత్యధిక మాయెను, మీరు దిగిరండి.
మార్కు 4:29, ప్రకటన గ్రంథం 14:15-18-2, ప్రకటన గ్రంథం 19:15

ప్రకటన గ్రంథం 14:14-20 పోల్చిచూడండి.

14. తీర్పు తీర్చు లోయలో రావలసిన యెహోవాదినము వచ్చేయున్నది; తీర్పుకై జనులు గుంపులు గుంపులుగా కూడియున్నారు.

“గుంపులు గుంపులుగా”– వ 2. వ 2,12 లోని యెహోషాపాతు లోయను ఇక్కడ “తీర్పు లోయ” అంటున్నాడు. అంటే దేవుడు అక్కడికి వచ్చి ఏదైనా నిర్ణయిస్తాడని అర్థం కాదు గాని తాను అప్పటికే చేసిన నిర్ణయాన్ని అక్కడ ఆచరణలో పెడతాడు. “యెహోవా దినం”– యోవేలు 1:15.

15. సూర్య చంద్రులు తేజోహీనులైరి; నక్షత్రముల కాంతి తప్పిపోయెను.
మత్తయి 24:29, మార్కు 13:24-25, ప్రకటన గ్రంథం 6:12-13, ప్రకటన గ్రంథం 8:12

యోవేలు 2:2, యోవేలు 2:10, యోవేలు 2:31.

16. యెహోవా సీయోనులో నుండి గర్జించుచున్నాడు; యెరూషలేములోనుండి తన స్వరము వినబడజేయుచున్నాడు; భూమ్యాకాశములు వణకుచున్నవి. అయితే యెహోవా తన జనులకు ఆశ్రయమగును, ఇశ్రాయేలీయులకు దుర్గముగా ఉండును.

“జెరుసలం నుంచి”– రాబోయే ఆ అంతిమ మహా యుద్ధంలో దేవుని కార్యకలాపాలకు జెరుసలం కేంద్రంగా ఉంటుంది. “కంపిస్తాయి”– హెబ్రీయులకు 12:26. “శరణ్యం”– కీర్తనల గ్రంథము 2:12; కీర్తనల గ్రంథము 5:11; కీర్తనల గ్రంథము 46:1-3; జెకర్యా 12:8-9.

17. అన్యులికమీదట దానిలో సంచరింపకుండ యెరూషలేము పరిశుద్ధపట్టణముగా ఉండును; మీ దేవుడనైన యెహోవాను నేనే, నాకు ప్రతిష్ఠితమగు సీయోను పర్వతమందు నివసించుచున్నానని మీరు తెలిసికొందురు.

“అప్పుడు”– దేవుడు ప్రవక్త ద్వారా మాట్లాడుతున్నాడు. అప్పుడంటే యెహోవా దినం వచ్చినకాలంలో దేవుడు జెరుసలంలో నివసిస్తాడు. “మరెన్నడూ విదేశీయులు దాని మీదుగా వెళ్ళరు” అని రాసి ఉంది. గనుక ఇది అక్షరాలా పాలస్తీనాలోని జెరుసలం నగరమే అని స్పష్టంగా ఉన్నట్టుంది. పరలోక జెరుసలంను విదేశీయులు ఎన్నడూ ముట్టడించలేదు. మరికొన్ని చోట్ల దేవుడు జెరుసలంను తన నివాస స్థలంగా చేసుకుంటానని చెప్పాడు – కీర్తనల గ్రంథము 132:13-14; యెహెఙ్కేలు 48:35; యెషయా 12:6; యెషయా 24:23; యిర్మియా 3:17; జెకర్యా 8:3; జెకర్యా 14:16-21. అయితే ఇప్పుడున్న జెరుసలం చాలా మార్పు చెందుతుంది.

18. ఆ దినమందు పర్వతములలోనుండి క్రొత్త ద్రాక్షారసము పారును, కొండలలోనుండి పాలు ప్రవహించును. యూదా నదులన్నిటిలో నీళ్లు పారును, నీటి ఊట యెహోవా మందిరములోనుండి ఉబికి పారి షిత్తీములోయను తడుపును.
ప్రకటన గ్రంథం 22:1

యోవేలు 2:24. నిర్గమకాండము 3:8 పోల్చి చూడండి. “యెహోవా ఆలయం”– యెహెఙ్కేలు 47:1-12 చూడండి.

19. ఐగుప్తీయులును ఎదోమీయులును యూదావారిమీద బలాత్కారము చేసి తమ తమ దేశములలో నిర్దోషులగు వారికి ప్రాణహాని కలుగజేసిరి గనుక ఐగుప్తుదేశము పాడగును, ఎదోముదేశము నిర్జనమైన యెడారిగా ఉండును.

యెషయా 19:5-8; యెషయా 34:5-15.

20. ఈలాగున నేను ఇంతకుముందు ప్రతికారము చేయని ప్రాణదోషమునకై ప్రతికారము చేయుదును.

“సదాకాలం”– కీర్తనల గ్రంథము 68:16; యెహెఙ్కేలు 37:25-28; యెహెఙ్కేలు 43:7, యెహెఙ్కేలు 43:9; ఆమోసు 9:15; మీకా 4:6-7; ఆదికాండము 17:8; ఆదికాండము 48:4. యూదా, జెరుసలం అన్న మాటలను అక్షరార్థంగా తీసుకోరాదు అనుకోవడానికి సరైన కారణాలేవీ ఈ రచయితకు కనిపించడం లేదు. రక్తపాతం జరిగించి కొంతకాలం క్షమాపణ పొందకుండా ఉన్న ఈ నగరమే తరతరాలకు నిలిచి ఉంటుంది.

21. అయితే యూదాదేశములో నివాసులు నిత్యముందురు, తరతరములకు యెరూషలేము నివాసముగా నుండును, యెహోవా సీయోనులో నివాసిగా వసించును.

“సీయోనులో”– కీర్తనల గ్రంథము 43:3; కీర్తనల గ్రంథము 74:2.