1. అహజ్యా తల్లియైన అతల్యా తన కుమారుడు మృతి బొందెనని తెలిసికొని లేచి రాజకుమారులనందరిని నాశనము చేసెను.

2 దినవృత్తాంతములు 22:10-12 2 దినవృత్తాంతములు 23:1-21. “అతల్యా”– 2 రాజులు 8:18 2 రాజులు 8:26; 2 రాజులు 9:27. “రాజవంశం”– ఇది దావీదు రాజవంశం. 2 సమూయేలు 7:11 2 సమూయేలు 7:16; 2 రాజులు 8:19 లో దేవుడు దావీదుకు చేసిన వాగ్దానం చూడండి. దావీదు వంశాన్ని నాశనం చేసి దేవుని వాక్కు నెరవేరకుండేలా చేసేందుకు సైతాను ప్రయత్నించి ఈ చెడ్డ స్త్రీని వాడుకున్నాడు. అధికారాన్ని చేజిక్కించుకోవాలని అతల్యా హతమార్చిన రాకుమారులంతా ముఖ్యంగా తన స్వంత మనుమలే. అధికారం కోసం సైతాను పక్షం చేరినవారు ఆమె తరువాత కూడా చాలామంది ఉన్నారు. ఆమె తరువాత కూడా అనేకమంది దుష్టులు దేవుని ఉద్దేశాలను వమ్ము చేసేందుకు ప్రయత్నించారు గాని వారెవరి ప్రయత్నాలూ సఫలం కాలేదు. అలాంటివి ఎప్పుడూ సఫలం కావు.

2. రాజైన యెహోరాము కుమార్తెయును అహ జ్యాకు సహోదరియునైన యెహోషెబ అహజ్యా కుమారు డైన యోవాషును, హతమైన రాజకుమారులతోకూడ చంపబడకుండ అతని రహస్యముగా తప్పించెను గనుక వారు అతనిని అతని దాదిని పడకగదిలో అతల్యాకు మరుగుగా ఉంచియుండుటచేత అతడు చంపబడ కుండెను.

“యెహోషెబ”– తన ఉద్దేశాలు నెరవేర్చుకునేందుకు దేవునికి ఉపయోగపడే పరికరాలు ఏ కాలంలోనైనా ఉంటారు. నిర్గమకాండము 1:22 నిర్గమకాండము 2:1-10; మత్తయి 2:13-16. ఇది జరిగేటప్పుడు యోవాషు వయసు ఒక సంవత్సరం మాత్రమే. వ 3ను వ 21తో పోల్చిచూడండి.

3. అతల్యా దేశమును ఏలుచుండగా ఇతడు ఆరు సంవత్సరములు యెహోవా మందిరమందు దాదితో కూడ దాచబడి యుండెను.

4. ఏడవ సంవత్సరమందు యెహోయాదా కావలికాయు వారిమీదను రాజదేహ సంరక్షకులమీదను ఏర్పడియున్న శతాధిపతులను పిలువనంపించి, యెహోవా మందిరము లోనికి వారిని తీసికొని పోయి, యెహోవా మందిరమందు వారిచేత ప్రమాణము చేయించి వారితో నిబంధనచేసి, వారికి ఆ రాజు కుమారుని కనుపరచి యీలాగు ఆజ్ఞాపించెను

“యెహోయాదా”– యెహోషెబ భర్త. ఇతడొక యాజి (2 దినవృత్తాంతములు 22:10). “సంరక్షకులు”– యూదా రాజ్యంలో సైనికులుగా పని చేస్తున్న కేరియా ప్రాంతంవారు (ఇది నేటి టర్కీ దేశంలోని ప్రాంతం). “కొడుకును”– యోవాషును.

5. మీరు చేయవలసినదేమనగా, విశ్రాంతి దిన మున లోపల ప్రవేశించు మీరు మూడు భాగములై యొక భాగము రాజమందిరమునకు కావలి కాయువారై యుండవలెను;

6. ఒక భాగము సూరు గుమ్మముదగ్గర కాపు చేయవలెను, ఒక భాగము కాపు కాయువారి వెనుకటి గుమ్మమునొద్ద ఉండవలెను, ఈ ప్రకారము మందిరమును భద్రపరచుటకై మీరు దానిని కాచుకొని యుండవలెను.

7. మరియు విశ్రాంతి దినమున బయలుదేరు మీయందరిలో రెండు భాగములు రాజు దగ్గర యెహోవా మందిరమునకు కాపు కాయువారై యుండవలెను.

8. మీలో ప్రతి మనిషి తన తన ఆయుధములను చేత పట్టుకొని రాజుచుట్టు కాచుకొని యుండవలెను, ఎవడైనను పంక్తులలో ప్రవే శించినయెడల వాని చంపవలెను, రాజు బయలుదేరి సంచ రించునప్పుడెల్ల మీరు అతనియొద్ద ఉండవలెను.

9. శతాధి పతులు యాజకుడైన యెహోయాదా తమ కిచ్చిన ఆజ్ఞ లన్నిటి ప్రకారము చేసిరి, ప్రతి మనిషి తన తన మనుష్యులను తీసికొని విశ్రాంతిదినమున లోపల ప్రవేశింపవలసిన వారితోను, విశ్రాంతిదినమున బయలుదేరవలసిన వారితోను కలిసి యాజకుడైన యెహోయాదా యొద్దకు వచ్చెను.

10. యాజకుడు మందిరములో ఉన్న దావీదు ఈటెలను డాళ్లను శతాధిపతులకు అప్పగింపగా

2 సమూయేలు 8:7; 1 దినవృత్తాంతములు 18:7.

11. కాపు కాయు వారిలో ప్రతి మనిషి తన తన ఆయుధములను చేత పట్టుకొని బలిపీఠముచెంతను మందిరముచెంతను మందిరము కుడి కొన మొదలుకొని యెడమ కొనవరకు రాజుచుట్టు నిలిచిరి.

12. అప్పుడు యాజకుడు రాజకుమారుని బయటకు తోడుకొనిపోయి అతని తలమీద కిరీటము పెట్టి, ధర్మ శాస్త్రగ్రంథమును అతని చేతికిచ్చిన తరువాత వారు అతని పట్టాభిషిక్తునిగా చేసి చప్పట్లుకొట్టిరాజు చిరంజీవియగునుగాకని చాటించిరి.

“ధర్మశాస్త్రం ప్రతి”– ద్వితీయోపదేశకాండము 17:18-20; 1 సమూయేలు 10:25. “అభిషేకించాడు”– 1 సమూయేలు 9:16; 1 సమూయేలు 16:1; 1 రాజులు 1:34 1 రాజులు 1:39.

13. అతల్యా, కాయువారును జనులును కేకలువేయగా విని, యెహోవా మందిరమందున్న జనుల దగ్గరకు వచ్చి

14. రాజు ఎప్పటి మర్యాద చొప్పున ఒక స్తంభముదగ్గర నిలుచుటయు, అధిపతులును బాకా ఊదువారును రాజునొద్ద నిలువబడుటయు, దేశపు వారందరును సంతోషించుచు శృంగధ్వనిచేయుటయు చూచి తన వస్త్రములను చింపుకొనిద్రోహము ద్రోహము అని కేక వేయగా

2 రాజులు 9:23 నోట్.

15. యాజకుడైన యెహో యాదా సైన్యములోని శతాధిపతులకు యెహోవా మందిరమందు ఆమెను చంపకూడదు, పంక్తుల బయటికి ఆమెను వెళ్లగొట్టుడి; ఆమె పక్షపువారిని ఖడ్గముచేత చంపుడని ఆజ్ఞ ఇచ్చెను గనుక

16. రాజమందిరములోనికి గుఱ్ఱములు వచ్చు మార్గమున ఆమెకు దారి ఇచ్చిరి. ఆమె వెళ్లిపోగా వారు ఆమెను అక్కడ పట్టుకొని చంపిరి.

17. అప్పుడు యెహోయాదాజనులు యెహోవా వారని ఆయన పేరట రాజుతోను జనులతోను నిబంధన చేయించెను, మరియు అతడు రాజుపేరట జనులతో నిబంధన చేయించెను.

యెహోషువ 24:25; 1 సమూయేలు 10:25; 2 దినవృత్తాంతములు 15:12-15; 2 దినవృత్తాంతములు 24:15-16. యెహోయాదా దేవుడంటే భయభక్తులున్న మనిషి. ప్రజలకు మేలు కలగాలనే అతని హృదయాభిలాష (2 దినవృత్తాంతములు 24:15-16). నిజ దేవుణ్ణి గనుక ప్రజలు విడిచిపెడితే వారికి సదా నిలిచి ఉండే క్షేమం ఎప్పటికీ కలగదని అతనికి తెలుసు.

18. అప్పుడు దేశపు జనులందరును బయలు గుడికి పోయి దానిని పడగొట్టి దాని బలిపీఠములను ప్రతి మలను ఛిన్నాభిన్నములుచేసి, బయలునకు యాజకుడైన మత్తానును బలిపీఠముల ముందర చంపివేసిరి. మరియు యాజకుడైన యెహోయాదా యెహోవా మందిరమును కాచుకొనుటకు మనుష్యులను నియమించెను.

ద్వితీయోపదేశకాండము 12:2-3; 1 రాజులు 18:40; 2 రాజులు 10:11 2 రాజులు 10:26-27. బహుశా యూదాలో బయల్ దేవుడి పూజను యెహోరాం, అతడి భార్య అతల్యా ప్రవేశపెట్టారు (2 రాజులు 8:16-18).

19. అతడు శతాధిపతులను అధికారులను కాపుకాయువారిని దేశపు జనులందరిని పిలిపింపగా వారు యెహోవా మందిరములో నున్న రాజునుతీసికొని, కాపుకాయువారి గుమ్మపు మార్గ మున రాజనగరునకు రాగా రాజు సింహాసనముమీద ఆసీనుడాయెను.

2 రాజులు 11:4-6.

20. మరియు వారు రాజనగరు దగ్గర అతల్యాను ఖడ్గముచేత చంపిన తరువాత దేశపు జనులంద రును సంతోషించిరి, పట్టణమును నిమ్మళముగా ఉండెను.

“సంబరపడుతూ”– సామెతలు 11:10; సామెతలు 28:12; సామెతలు 29:2.

21. యోవాషు ఏలనారంభించినప్పుడు అతడు ఏడేండ్లవాడు.